അനുരാഗ് കശ്യപ് സംവിധാനം ചെയ്യുന്ന ഏറ്റവും പുതിയ ചിത്രത്തിൽ താപ്സി പന്നു പ്രധാന വേഷത്തിൽ എത്തുന്നു. മൻമാർസിയാന് ശേഷം ഇരുവരും ഒന്നിക്കുന്ന ചിത്രം ഒരു ടൈം ട്രാവൽ കഥപറയുന്നതാവും എന്നാണ് റിപ്പോർട്ടുകൾ. ‘ദൊ ബാര‘ എന്ന് പേരിട്ട ചിത്രം വളരെ വ്യത്യസ്തമായ രീതിയിലാണ് ഇന്ന് അനുരാഗ് കശ്യപ് അനൗൺസ് ചെയ്തത്. അനൗൺസ്മെന്റ് ടീസറിൽ അനുരാഗ് കശ്യപിനൊപ്പം താപ്സിയും പ്രത്യക്ഷപ്പെടുന്നുണ്ട്.
അഥീന ആൻഡ് വെർമിലിയോൺ വേൾഡ് പ്രൊഡക്ഷൻസ് എന്നിവയുടെ ബാനറിൽ ശോഭ കപൂർ, എക്ത കപൂർ, സുനിൽ ഖേട്ടർപൽ, ഗൗരവ് ബോസ് എന്നിവരാണ് ചിത്രം നിർമിക്കുന്നത്. മറ്റ് അഭിനേതാക്കളുടെ വിവരങ്ങൾ ഒന്നും തന്നെ പുറത്തുവിട്ടിട്ടില്ല. അനുരാഗ് കശ്യപ്, താപ്സി എന്നിവർ ഒന്നിക്കുന്ന മൂന്നാമത്തെ ചിത്രം കൂടിയാണ് “ദൊ ബാര’.
Read Also: പുതിയ നായക സങ്കൽപ്പവുമായി ‘തിരികെ’; ഫെബ്രുവരി 26ന് റിലീസ്