ശ്രീനഗർ: ജമ്മു കശ്മീരില് രണ്ടിടങ്ങളിലായി നടന്ന ഏറ്റുമുട്ടലില് മൂന്ന് ഭീകരരെ സൈന്യം വധിച്ചു. കുല്ഗാമിലാണ് സൈന്യവും ഭീകരരും തമ്മില് ആദ്യം ഏറ്റുമുട്ടല് നടന്നത്. ഇവിടെ രണ്ട് ഭീകരരെ സൈന്യം വധിച്ചു. കൊല്ലപ്പെട്ടവരില് ഒരാള് അതിര്ത്തി കടന്ന് എത്തിയ ഭീകരനാണെന്ന് സുരക്ഷാ സേന അറിയിച്ചു. കുൽഗാമിലെ ഏറ്റുമുട്ടലിൽ ഒരു പോലീസുകാരന് പരിക്കേറ്റിട്ടുണ്ട്.
#KulgamEncounterUpdate: 02 more unidentified #terrorists killed (Total 03). Search going on. Further details shall follow. @JmuKmrPolice https://t.co/aiWYSUbtJp
— Kashmir Zone Police (@KashmirPolice) December 29, 2021
ഇയാളെ ഉടൻ അടുത്തുള്ള ആശുപത്രിയിലേക്ക് മാറ്റി. കൊല്ലപ്പെട്ട ഭീകരരില് നിന്നും നിരവധി ആയുധങ്ങള് സൈന്യം പിടിച്ചെടുത്തു. മേഖലയിൽ ശക്തമായ തിരച്ചിൽ തുടരുകയാണ്. അനന്തനാഗിലും സൈന്യവും ഭീകരരും തമ്മില് ഏറ്റുമുട്ടി. ഇവിടുത്തെ ഏറ്റുമുട്ടലില് മറ്റൊരു ഭീകരനെയും വധിച്ചു.
Read Also: പോപ്പുലർ ഫിനാൻസിന്റെ 33.84 കോടിയുടെ സ്വത്തുക്കൾ കൂടി ഇഡി കണ്ടുകെട്ടി