തിരുവനന്തപുരം: സംസ്‌ഥാനത്ത്‌ ഓട്ടോ-ടാക്‌സി നിരക്ക് വർധന അനിവാര്യമെന്ന് ഗതാഗത മന്ത്രി ആന്റണി രാജു. ഓട്ടോ-ടാക്‌സി നിരക്ക് വർധനവ് സംബന്ധിച്ച് ജസ്‌റ്റിസ്‌ രാമചന്ദ്രൻ കമ്മിറ്റിയിൽ റിപ്പോർട് നൽകിയിട്ടുണ്ട്. ബസ്, ഓട്ടോ, ടാക്‌സി എന്നിവയുടെ യാത്രാനിരക്ക് വർധന ഒരുമിച്ചു പ്രഖ്യാപിക്കുമെന്നും മന്ത്രി അറിയിച്ചു.
ഓട്ടോ നിരക്ക് ഒന്നര കിലോമീറ്ററിന് 30 രൂപയും ശേഷമുള്ള ഓരോ കിലോമീറ്ററിനും 15 രൂപ വീതവും കൂടാനായിരിക്കും സാധ്യത. എന്നാൽ, ഓട്ടോയുടെ രാത്രി യാത്രാ നിരക്കിൽ മാറ്റമുണ്ടാകില്ലെന്നും മന്ത്രി അറിയിച്ചു. ടാക്‌സി നിരക്ക് (1500 സിസി) അഞ്ചു കിലോമീറ്റർ വരെ 210 രൂപയും ശേഷമുള്ള ഓരോ കിലോമീറ്ററിനും 18 രൂപ വീതമായിരിക്കും വർധിക്കുക.
1500 സിസിക്ക് മുകളിലുള്ള ടാക്‌സിക്ക് മിനിമം നിരക്ക് 240 രൂപ ആയിരിക്കും. സർക്കാർ കൃത്യമായ പഠിച്ച ശേഷം നിരക്കിൽ അന്തിമ തീരുമാനം കൈക്കൊള്ളുമെന്ന് മന്ത്രി വ്യക്‌തമാക്കി.
Most Read: റോഡ് അപകടങ്ങളിൽ സഹായം നൽകുന്നവർക്ക് പരിതോഷികം പ്രഖ്യാപിച്ച് തമിഴ്‌നാട്
