അഞ്ച് വർഷത്തെ നീണ്ട ഇടവേളയ്ക്ക് ശേഷം ചലച്ചിത്ര താരം ഭാവന മലയാള സിനിമയിലേക്ക് തിരികെയെത്തുന്നു. പുതുമുഖ സംവിധായകൻ ആദിൽ മൈമൂനത്ത് അഷ്റഫ് ഒരുക്കുന്ന ‘ന്റിക്കാക്കാക്കൊരു പ്രേമണ്ടാർന്ന്’ എന്ന ചിത്രത്തിലൂടെയാണ് ഭാവനയുടെ തിരിച്ചുവരവ്.
ഷറഫുദ്ദീൻ നായകനാകുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തു. ചിത്രത്തിന്റെ നിർമാതാവ് റെനിഷ് അബ്ദുൽ ഖാദറും ഭാവനയും സമൂഹ മാദ്ധ്യമങ്ങളിലൂടെ പോസ്റ്റർ പങ്കുവെച്ചിട്ടുണ്ട്.
View this post on Instagram
2017ൽ, പൃഥ്വിരാജ് നായകനായി പുറത്തിറങ്ങിയ ‘ആദം ജോൺ’ ആണ് ഭാവനയുടെ അവസാന മലയാള ചിത്രം. പിന്നീട് കന്നഡ സിനിമകളിൽ ശ്രദ്ധ ചെലുത്തിയ ഭാവന അടുത്തിടെ മലയാള സിനിമയിലേക്ക് തിരികെവരുമെന്ന് സൂചിപ്പിച്ചിരുന്നു. ഇപ്പോഴിതാ പോസ്റ്റർ പുറത്തുവന്നതോടെ ഏറെ ആഹ്ളാദത്തിലാണ് ആരാധകർ. പ്രശസ്ത സംവിധായകൻ ലിജോ ജോസ് പെല്ലിശ്ശേരി ഉൾപ്പടെ നിരവധി പേർ പോസ്റ്റർ പങ്കുവച്ചിട്ടുണ്ട്.
Most Read: ഐഎസ്എൽ; ഫൈനലിൽ ബ്ളാസ്റ്റേഴ്സിന്റെ എതിരാളികളെ ഇന്നറിയാം