ഗോവ: ഐഎസ്എൽ ഏഴാം സീസണിലെ തൊണ്ണൂറാമത്തെ മൽസരത്തിൽ ഇന്ന് ഒഡിഷക്ക് എതിരെ കേരള ബ്ളാസ്‌റ്റേഴ്‌സ് ഇന്ന് ഇറങ്ങും. ആദ്യപാദത്തിൽ ഒഡീഷയോട് വഴങ്ങിയ തോൽവിക്ക് പകരം വീട്ടുക ലക്ഷ്യമിട്ടാണ് കേരളം വരുന്നത്. പ്ളേ ഓഫിലേക്ക് പ്രവേശിക്കാൻ നേരിയ സാധ്യതകൾ ഉള്ളത് നിലനിർത്താൻ ബ്ളാസ്‌റ്റേഴ്‌സിന് ഇന്ന് ജയം കൂടിയേ തീരൂ.
മറുഭാഗത്ത് ഒഡീഷയുടെ പ്ളേ ഓഫ് സാധ്യതകൾ അവസാനിച്ചു കഴിഞ്ഞു. ശേഷിക്കുന്ന മൽസരങ്ങൾ മുഴുവൻ ജയിച്ചാലും ഒഡീഷക്ക് പ്ളേ ഓഫിൽ കടക്കാൻ കഴിയില്ല. 15 കളികളിൽ നിന്ന് എട്ട് പോയിന്റ് മാത്രമുള്ള ഒഡീഷ സീസണിൽ തോൽപ്പിച്ച ഏക ടീം ബ്ളാസ്‌റ്റേഴ്‌സാണ്. പട്ടികയിൽ അവസാന സ്‌ഥാനത്താണ് ഒഡീഷ. അതേസമയം പട്ടികയിൽ പത്താം സ്‌ഥാനത്തുള്ള ബ്ളാസ്‌റ്റേഴ്‌സ് ഇതുവരെ 16 കളികളിൽ നിന്ന് 15 പോയിന്റാണ് നേടിയത്. വൈകീട്ട് ഏഴരക്കാണ് മൽസരം ആരംഭിക്കുന്നത്.
Read Also: ‘തണ്ണീർ മത്തൻ’ ടീം വീണ്ടും; ‘സൂപ്പർ ശരണ്യ’യായി അനശ്വര
