തിരുവനന്തപുരം: സംസ്ഥാനത്ത് ഇന്നും ശക്തമായ മഴക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഇതിന്റെ പശ്ചാത്തലത്തിൽ ഏഴ് ജില്ലകളില് യെല്ലോ അലർട് പ്രഖ്യാപിച്ചു. തിരുവനന്തപുരം മുതല് ഇടുക്കി വരെയുള്ള ജില്ലകളിലാണ് യെല്ലോ അലർട് ഉള്ളത്.
അടുത്ത ദിവസങ്ങളിലും കേരളത്തില് ഒറ്റപ്പെട്ടയിടങ്ങളില് കനത്ത മഴയുണ്ടാകും. മഴക്കൊപ്പം ഇടിമിന്നലിനും 40 കിലോമീറ്റര് വരെ വേഗതയില് കാറ്റിനും സാധ്യതയുണ്ട്. വെള്ളിയാഴ്ച വരെ ശക്തമായ മഴ തുടരാനാണ് സാധ്യത.
കടല് പ്രക്ഷുബ്ധമാകാനും മോശം കാലാവസ്ഥക്കും സാധ്യതയുള്ളതിനാല് കേരള തീരത്ത് മല്സ്യത്തൊഴിലാളികള് കടലില് പോകരുത്. ബംഗാള് ഉള്ക്കടലില് ചക്രവാതച്ചുഴി നിലനില്ക്കുന്നതാണ് മഴക്ക് കരണം.
Most Read: പ്ളസ്ടു കോഴക്കേസ്; കെഎം ഷാജിക്ക് തിരിച്ചടി, ഭാര്യയുടെ സ്വത്തുക്കൾ കണ്ടുകെട്ടി