തിരുവനന്തപുരം: കുനൂർ ഹെലികോപ്‌ടർ ദുരന്തത്തിൽ ജീവൻ നഷ്‌ടപ്പെട്ടവരുടെ വിയോഗത്തിൽ അനുശോചനം രേഖപ്പെടുത്തി മുഖ്യമന്ത്രി പിണറായി വിജയൻ. സംയുക്‌ത സൈനിക മേധാവി ജന. ബിപിൻ റാവത്ത്, പത്‌നി മധുലിക റാവത്ത്, 11 കര –വ്യോമ സേനാ ഉദ്യോഗസ്‌ഥർ എന്നിവരെയാണ് കുനൂർ ഹെലികോപ്‌ടർ ദുരന്തത്തിൽ നഷ്‌ടമായത്. അപകടത്തിൽ രക്ഷപെട്ട വരുൺ സിംഗ് വെല്ലിങ്ടൺ സൈനിക ആശുപത്രിയിൽ ചികിൽസയിലാണ്.
“അത്യന്തം വേദനാജനകമാണ് അപകടവാർത്ത. രാജ്യത്തിന്റെ പ്രതിരോധ സേനക്ക് വലിയ നഷ്‌ടമാണ് ഈ അപകടത്തിലൂടെ സംഭവിച്ചിരിക്കുന്നത്” പിണറായി വിജയൻ പറഞ്ഞു. ജനറൽ റാവത്തിന്റെയും ഒപ്പം ജീവൻ നഷ്‌ടമായ മറ്റു 11 പേരുടെ കുടുംബാംഗങ്ങളെയും പ്രതിരോധ സേനാംഗങ്ങളെയും മുഖ്യമന്ത്രി അനുശോചനം അറിയിച്ചു.
Read also: യോഗിയുടെ സർട്ടിഫിക്കറ്റ് ആവശ്യമില്ല; പ്രതികരിച്ച് പ്രിയങ്ക
