തെന്നിന്ത്യന് സൂപ്പര് താരം ചിയാന് വിക്രം നായകനായെത്തുന്ന പുതിയ ചിത്രം ‘കോബ്ര’യുടെ സെക്കന്റ് പോസ്റ്റര് പുറത്തുവിട്ടു. പോസ്റ്ററില് തികച്ചും വ്യത്യസ്തമായ ലുക്കിലാണ് വിക്രം പ്രത്യക്ഷപ്പെടുന്നത്. കോബ്രയുടെ സംവിധായകന് അജയ് ജ്ഞാനമുത്തുവാണ് പോസ്റ്റര് സമൂഹമാദ്ധ്യമത്തിലൂടെ പുറത്തുവിട്ടത്. വിക്രമിന്റെ ഒരു ഭാഗം മുഴുവന് നമ്പറുകള് വരുന്ന രീതിയില് വ്യത്യസ്തമായാണ് പോസ്റ്റര് ഡിസൈന് ചെയ്തിരിക്കുന്നത്.
#CobraSecondLook ❤️❤️❤️#ChiyaanVikram @arrahman @SrinidhiShetty7 @IrfanPathan @Lalit_SevenScr @7screenstudio @dop_harish @theedittable @dhilipaction @dancersatz @NavadeviR @KomalShahani @proyuvraaj @Kavithamarai @Lyricist_Vivek #CobraXmaSS #Cobra pic.twitter.com/XSQqBXmtRQ
— R Ajay Gnanamuthu (@AjayGnanamuthu) December 25, 2020
കോവിഡ് വ്യാപനത്തെ തുടര്ന്ന് കോബ്രയുടെ ഷൂട്ടിംഗ് നിര്ത്തി വച്ചിരിക്കുകയായിരുന്നു. തുടര്ന്ന് ഈ മാസം ആദ്യമാണ് ഷൂട്ടിംഗ് വീണ്ടും പുനഃരാരംഭിച്ചത്. സൂപ്പര് നാച്വറല് ത്രില്ലര് വിഭാഗത്തിലാണ് ചിത്രം ഒരുക്കുന്നതെന്നാണ് പ്രതീക്ഷിക്കുന്നത്. ചിത്രത്തില് വിക്രം വ്യത്യസ്തമായ ഏഴ് രൂപത്തിലാണ് പ്രേക്ഷകര്ക്ക് മുന്നില് പ്രത്യക്ഷപ്പെടുന്നത്. വിക്രമിനൊപ്പം ക്രിക്കറ്റ് താരം ഇര്ഫാന് പത്താനും പ്രധാന കഥാപാത്രത്തെ അവതരിപ്പിക്കുന്നുണ്ടെന്ന പ്രത്യേകതയും ചിത്രത്തിനുണ്ട്. ഇര്ഫാന് ആദ്യമായി അഭിനയിക്കുന്ന ചിത്രം കൂടിയാണ് കോബ്ര.
സെവന് സ്ക്രീന് സ്റ്റുഡിയോസിന്റെ ബാനറില് ലളിത് കുമാറാണ് കോബ്ര നിര്മ്മിക്കുന്നത്. തമിഴ്, തെലുങ്ക്, ഹിന്ദി എന്നീ ഭാഷകളിലായാണ് ചിത്രം പ്രേക്ഷകര്ക്ക് മുന്നിലെത്തുന്നത്. ശ്രീനിധി ഷെട്ടി, മിയ, മാമുക്കോയ, കെ എസ് രവികുമാര്, രേണുക, ബാബു ആന്റണി, പദ്മപ്രിയ, റോബോ ശങ്കര്, കനിഹ, റോഷന് മാത്യു, പൂവൈയ്യാര് എന്നിവരും ചിത്രത്തില് പ്രധാന കഥാപാത്രങ്ങളായി എത്തുന്നുണ്ട്. ഹരീഷ് കണ്ണന് ഛായാഗ്രഹണം നിര്വഹിക്കുന്ന ചിത്രത്തില് എആര് റഹ്മാൻ സംഗീതവും, ഭുവന് ശ്രീനിവാസന് എഡിറ്റിംഗും നിര്വഹിക്കുന്നു.
Read also : സച്ചിയെ കുറിച്ച് അനിലിന്റെ ഓർമ്മകൾ; നൊമ്പരമായി ഫേസ്ബുക്ക് പോസ്റ്റ്