അഹമ്മദാബാദ്: ഗുജറാത്ത് നിയമസഭയില് ടീഷര്ട്ട് ധരിച്ചെത്തിയ കോണ്ഗ്രസ് എംഎല്എ വിമല് ചുദാസമയെ സ്പീക്കര് രാജേന്ദ്ര ത്രിവേദി പുറത്താക്കി. സഭക്ക് അനുയോജ്യമായ രീതിയില് വസ്ത്രം ധരിക്കാന് എംഎല്എമാര് ശ്രദ്ധിക്കണമെന്ന് സ്പീക്കര് പറഞ്ഞു.
സഭയുടെ മാന്യത കാത്തു സൂക്ഷിക്കാന് ഷര്ട്ട് അല്ലെങ്കില് കുര്ത്ത ധരിച്ച് വേണം എംഎല്എമാര് ഹാജരാകേണ്ടതെന്നും പുറത്താക്കൽ നടപടിക്ക് പിന്നാലെ സ്പീക്കർ വ്യക്തമാക്കി. എന്നാൽ മാന്യമായ വസ്ത്രധാരണം എന്നതിലുപരി ഒരു പ്രത്യേക വസ്ത്രം ധരിക്കരുതെന്ന് പറയാന് സ്പീക്കര്ക്ക് അധികാരമില്ലെന്ന് കോണ്ഗ്രസ് നേതാക്കള് പറഞ്ഞു.
തിരഞ്ഞെടുപ്പ് പ്രചരണ റാലികളില് വരെ താന് ഈ വേഷമാണ് ധരിക്കുന്നതെന്നും ഇതില് എന്താണ് മാന്യതകുറവ് എന്നുമാണ് എംഎൽഎ ചുദാസമയുടെ പ്രതികരണം.
Read also: ബട്ട്ല ഹൗസ് കേസ്; ആരിസ് ഖാന് വധശിക്ഷ