തിരുവനന്തപുരം: കോവിഡിനെ തുടർന്ന് സർക്കാർ ജീവനക്കാർ 14 ദിവസത്തെ സ്പെഷ്യൽ കാഷ്വൽ അവധിക്ക് അർഹരാണെന്ന് ദേശീയ ദുരന്ത നിവാരണ വകുപ്പിന്റെ ഉത്തരവ്. പ്രാഥമിക സമ്പർക്കം മൂലം ക്വാറന്റെയ്നിൽ പ്രവേശിച്ചതിന് 7 ദിവസവും തുടർന്ന് കോവിഡ് പോസിറ്റീവ് ആയാൽ 7 ദിവസവും ചേർത്താണ് 14 ദിവസത്തെ സ്പെഷ്യൽ കാഷ്വൽ അവധി ലഭിക്കുക.
മുൻപ് അവധിക്ക് അപേക്ഷിച്ചവർക്കാണ് ഇത് ബാധകം. കോവിഡ് നെഗറ്റീവ് ആയ ശേഷം വിശ്രമം നിർദ്ദേശിച്ചു വീട്ടിൽ ചികിൽസ തുടരുന്നവർ അവധിക്കായി സ്വകാര്യ ആശുപത്രികളിൽ നിന്ന് മെഡിക്കൽ സർട്ടിഫിക്കറ്റ് ഹാജരാക്കിയാൽ സ്വീകരിക്കില്ല.
ആശുപത്രിയിൽ തന്നെ ചികിൽസ തുടർന്നെന്ന സർക്കാർ ഡോക്ടറുടെ മെഡിക്കൽ സർട്ടിഫിക്കറ്റ് ലഭിച്ചാൽ മാത്രം ആ കാലയളവിലേക്ക് അവധി അനുവദിക്കുമെന്നും ദുരന്ത നിവാരണ വകുപ്പിന്റെ ഉത്തരവിൽ പറയുന്നു.
Most Read: പിണറായി സർക്കാർ ഇസ്ലാമിക തീവ്രവാദത്തെ സഹായിക്കുന്നു; ജെപി നഡ്ഡ