ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ പ്രതിദിന കോവിഡ് കേസുകളിൽ വലിയ വർധന. 20,139 പേർക്കാണ് കഴിഞ്ഞ 24 മണിക്കൂറിനിടെ രാജ്യത്ത് രോഗബാധ ഉണ്ടായത്. കഴിഞ്ഞ 5 മാസത്തിനിടെ രാജ്യത്ത് റിപ്പോർട് ചെയ്‌തതിൽ വച്ച് ഏറ്റവും വലിയ വർധനയാണ് കഴിഞ്ഞ 24 മണിക്കൂറിൽ രാജ്യത്ത് റിപ്പോർട് ചെയ്‌തത്‌. കൂടാതെ 38 പേർ കോവിഡ് ബാധയെ തുടർന്ന് രാജ്യത്ത് മരണപ്പെടുകയും ചെയ്‌തു.
ആരോഗ്യ മന്ത്രാലയത്തിന്റെ കണക്കുകൾ പ്രകാരം കഴിഞ്ഞ 24 മണിക്കൂറിൽ രാജ്യത്ത് 16,482 പേർ രോഗമുക്‌തി നേടിയിട്ടുണ്ട്. ഇതോടെ ആകെ രോഗബാധിതരിൽ 4,30,28,356 പേർ രാജ്യത്ത് ഇതിനോടകം രാജ്യത്ത് രോഗമുക്‌തരായിട്ടുണ്ട്. 98.50 ശതമാനമാണ് രാജ്യത്തെ നിലവിലെ രോഗമുക്‌തി നിരക്ക്.
രാജ്യത്ത് നിലവിൽ കോവിഡ് ബാധിച്ച് ചികിൽസയിൽ കഴിയുന്നവരുടെ എണ്ണം 1,36,076 ആയി ഉയർന്നു. കൂടാതെ നിലവിൽ രാജ്യത്തെ പ്രതിദിന കോവിഡ് ടെസ്‌റ്റ് പോസിറ്റിവിറ്റി നിരക്ക് 5.10 ശതമാനമായും പ്രതിവാര ടെസ്‌റ്റ് പോസിറ്റിവിറ്റി നിരക്ക് 4.37 ശതമാനമായും ഉയർന്നു.
Read also: ഓപ്പറേഷൻ സിറ്റി റൈഡ്; കൊച്ചിയിൽ 187 സ്വകാര്യ ബസുകൾക്കെതിരെ കേസെടുത്തു
