തിരുവനന്തപുരം: മുഖ്യമന്ത്രിയെ അപകീർത്തിപ്പെടുത്താൻ ശ്രമിച്ചതിന് സെക്രട്ടറിയേറ്റ് ജീവനക്കാരനെ സസ്പെൻഡ് ചെയ്തു. പൊതുഭരണ വകുപ്പിലെ ഓഫിസ് അറ്റൻഡർ മണിക്കുട്ടൻ എ എന്നയാളെയാണ് സസ്പെൻഡ് ചെയ്തത്.
സെക്രട്ടറിയേറ്റിലെ ഓഫിസ് അറ്റൻഡർമാരുടെ വാട്സ്ആപ് ഗ്രൂപ്പിലൂടെയാണ് മണിക്കുട്ടൻ മുഖ്യമന്ത്രിക്കെതിരെ പ്രചാരണം നടത്തിയത്. കൊലപാതക രാഷ്ട്രീയവുമായി ബന്ധപ്പെട്ട പോസ്റ്റ് ഇയാൾ ഗ്രൂപ്പുകളിലേക്ക് ഷെയർ ചെയ്യുകയായിരുന്നു.
ഇതിനെതിരെ പരാതി ഉയർന്ന സാഹചര്യത്തിലാണ് മണിക്കുട്ടൻ അന്വേഷണ വിധേയമായി സസ്പെൻഡ് ചെയ്തത്. പ്രിൻസിപ്പൽ സെക്രട്ടറി കെആർ ജ്യോതിലാലിന്റേതാണ് ഉത്തരവ്.
Also Read: പ്രസവ ചികിൽസക്കിടെ യുവതിയുടെ മരണം; സ്വകാര്യ ആശുപത്രിക്കെതിരെ ബന്ധുക്കൾ