കണ്ണൂർ: നിയമസഭാ തിരഞ്ഞെടുപ്പിൽ ജില്ലയിലെ മുഴുവൻ സീറ്റിലും എൽഡിഎഫ് വിജയം നേടുമെന്ന് സിപിഎം കണ്ണൂർ ജില്ലാ സെക്രട്ടറി എംവി ജയരാജൻ. ഈ തിരഞ്ഞെടുപ്പോടെ യുഡിഎഫിന്റെ തകർച്ച പൂർത്തിയാകുമെന്നും ജയരാജൻ പറഞ്ഞു. തുടർഭരണം വേണമെന്ന ആഗ്രഹം എല്ലാ ജനവിഭാഗത്തിനും ഉണ്ടെന്നും അദ്ദേഹം ചൂണ്ടിക്കാട്ടി.
കോൺഗ്രസ് ഈ തിരഞ്ഞെടുപ്പോടെ ഇല്ലാതാകുമെന്ന് ജില്ലാ സെക്രട്ടറി പറഞ്ഞു. കോൺഗ്രസിന്റെ അന്ത്യകൂദാശക്ക് തുടക്കം കുറിച്ചു. പിസി ചാക്കോയുടെ പ്രതികരണം അതാണ് കാണിക്കുന്നത്; ജയരാജൻ വ്യക്തമാക്കി.
അതേസമയം ഇക്കുറി ജയരാജൻമാർ മൽസരിക്കാത്തത് എന്തുകൊണ്ടാണെന്ന ചോദ്യത്തിനുള്ള ഉത്തരമാണ് സ്ഥാനാർഥി പട്ടികയെന്നും അദ്ദേഹം കൂട്ടിച്ചേർത്തു. പുതുമുഖങ്ങളെ കൊണ്ടുവരാനാണ് പാർട്ടി തീരുമാനിച്ചതെന്ന് ജയരാജൻ വ്യക്തമാക്കി. മാത്രവുമല്ല സ്ഥാനാർഥി നിർണയ ഘട്ടത്തിൽ അഭിപ്രയ വ്യത്യാസങ്ങൾ ഉയരുക സ്വാഭാവികമാണെന്നും എംവി ജയരാജൻ പറഞ്ഞു.
Malabar News: രാമനാട്ടുകരയിൽ വെള്ളിയാഴ്ച മുതൽ ഗതാഗത നിയന്ത്രണം