ന്യൂഡെൽഹി: ഇന്ത്യയിലെ ആഭ്യന്തര വിമാനയാത്രക്കാരുടെ എണ്ണത്തിൽ കഴിഞ്ഞ വർഷം 56.29 ശതമാനത്തിന്റെ കുറവുണ്ടായെന്ന് ഡിജിസിഎ. കഴിഞ്ഞ വർഷം 6.3 കോടി ആഭ്യന്തര യാത്രക്കാരാണ് വിമാനത്തിൽ യാത്ര ചെയ്തത്. കോവിഡ് വ്യാപനം മൂലം വിമാന സർവീസ് നിർത്തിവെച്ചതിന്റെ പ്രത്യാഘാതങ്ങൾ ഇന്ത്യൻ വ്യോമയാന മേഖലയിൽ അനുഭവപ്പെടുന്നുണ്ടെന്ന് ഡിജിസിഎ പറയുന്നു.
ഇൻഡിഗോ എയർലൈൻസിൽ കഴിഞ്ഞ വർഷം ആകെ 3.25 കോടി യാത്രക്കാരാണ് സഞ്ചരിച്ചത്. മൊത്തം ആഭ്യന്തര വിപണിയിൽ 51.7 ശതമാനം ഓഹരി പങ്കാളിത്തമുള്ള സ്പൈസ് ജെറ്റിൽ 93.9 ലക്ഷം യാത്രക്കാരാണ് പറന്നത്. എയർ ഇന്ത്യ, ഗോ എയർ, എയർ ഏഷ്യ ഇന്ത്യ, വിസ്താര എന്നിവയിൽ കഴിഞ്ഞ വർഷം യഥാക്രമം 69.32 ലക്ഷം, 54.38 ലക്ഷം, 43.87 ലക്ഷം, 39.39 ലക്ഷം എന്നിങ്ങനെയാണ് സഞ്ചരിച്ച യാത്രക്കാരുടെ എണ്ണം.
Read Also: ‘കര്ണാടക അധിനിവേശ പ്രദേശങ്ങള്’ തിരിച്ചു പിടിക്കും; മഹാരാഷ്ട്ര മുഖ്യമന്ത്രി