കണ്ണൂർ: ജില്ലയിലെ പയ്യന്നൂരിൽ സ്ത്രീധനത്തെ ചൊല്ലി യുവതിക്ക് പീഡനം. വിവാഹം നടന്ന് മൂന്ന് മാസം തികയും മുമ്പേ കൂടുതൽ സ്വർണത്തിനും പണത്തിനുമായി പീഡിപ്പിച്ചുവെന്ന യുവതിയുടെ പരാതിയിൽ പോലീസ് കേസെടുത്തു. യുവതിയുടെ പരാതിയിൽ ഭർത്താവിനും വീട്ടുകാർക്കുമെതിരെയാണ് പോലീസ് കേസെടുത്തത്.
ഭർത്താവ് മാതമംഗലം പേരൂരിലെ രഞ്ജിത്ത്, മാതാപിതാക്കളായ ജനാർദ്ദനൻ, രാജലക്ഷ്മി എന്നിവർക്ക് എതിരെയാണ് ഗാർഹിക പീഡനത്തിന് കേസെടുത്തിരിക്കുന്നത്. 2019 മാർച്ചിലാണ് ഇരുവരുടെയും വിവാഹം നടന്നത്. എന്നാൽ, വിവാഹം നടന്ന് മൂന്ന് മാസം തികയും മുമ്പേ കൂടുതൽ സ്വർണവും പണവും ആവശ്യപ്പെട്ട് 2019 ജൂൺ മുതൽ 2021 ജനുവരി വരെ ഭർതൃഗൃഹത്തിൽ ഭർത്താവും മാതാപിതാക്കളും ചേർന്ന് മാനസികമായും ശാരീരികമായും നിരന്തരം പീഡിപ്പിക്കുകയായിരുന്നുവെന്നാണ് യുവതിയുടെ പരാതി.
Most Read: ഇന്ത്യയിൽ സാമ്പത്തിക അസമത്വം വർധിച്ചു വരുന്നു; റിപ്പോർട്