മലയാളം ബോക്സോഫീസ് വിജയമായി മാറിയ ‘ഡ്രൈവിംഗ് ലൈസൻസ്’ ഹിന്ദിക്ക് പുറമെ തമിഴിലേക്കും റീമേക്ക് ചെയ്യുന്നതായി റിപ്പോർട്. തമിഴ് മാദ്ധ്യമമായ ‘വലൈ പേച്ച്’ ആണ് ഇതുമായി ബന്ധപ്പെട്ട വാർത്ത പുറത്തുവിട്ടിരിക്കുന്നത്. നിലവിൽ ചിത്രത്തിന്റെ ഹിന്ദി പതിപ്പിന്റെ നിർമാണം പുരോഗമിക്കുകയാണ്.
പൃഥ്വിരാജ്, സുരാജ് വെഞ്ഞാറമ്മൂട് എന്നിവർ പ്രധാന വേഷങ്ങളിൽ എത്തിയ ‘ഡ്രൈവിംഗ് ലൈസൻസ്’ മലയാളത്തിൽ ഏറെ ശ്രദ്ധിക്കപ്പെട്ടിരുന്നു. അതേസമയം തമിഴ് റീമേക്കിൽ പ്രധാന വേഷങ്ങളിൽ എത്തുന്നത് ചിമ്പുവും എസ് ജെ സൂര്യയുമാണ് എന്നാണ് വിവരം. ‘വാല്’, ‘സ്കെച്ച്’, ‘സംഗത്തമിഴൻ’ എന്നീ ചിത്രങ്ങളൊരുക്കിയ വിജയ് ചന്ദർ ആയിരിക്കും തമിഴിൽ ചിത്രം സംവിധാനം ചെയ്യുക.
#DrivingLicense Tamil Remake.
Silambarasan – SJ Suryah
Direction – Vijay Chander (Vaalu, Sketch)
Production – Prithviraj
[Valaipechu] pic.twitter.com/XVKkOvzFxn
— Christopher Kanagaraj (@Chrissuccess) January 29, 2022
നിലവിൽ ‘ഡ്രൈവിംഗ് ലൈസൻസി’ന്റെ ഹിന്ദി റീമേക്കായ ‘സെൽഫി’യുടെ ചിത്രീകരണം പുരോഗമിക്കുകയാണ്. പൃഥ്വിരാജ് പ്രൊഡക്ഷൻസിൽ ഒരുങ്ങുന്ന ചിത്രത്തിൽ അക്ഷയ് കുമാറും ഇമ്രാൻ ഹാഷ്മിയുമാണ് പ്രധാന വേഷം കൈകാര്യം ചെയ്യുന്നത്. രാജ് മേത്തയാണ് സംവിധാനം. പൃഥ്വിരാജ് പ്രൊഡക്ഷൻസിനൊപ്പം മാജിക് ഫ്രെയിംസ്, ധർമ്മ പ്രൊഡക്ഷൻസ്, കേപ് ഓഫ് ഗുഡ് ഫിലിംസ് എന്നിവരും നിർമാണത്തിൽ പങ്കാളികളാണ്.
Most Read: ബാലചന്ദ്രകുമാറിന്റെ അഭിമുഖം പ്രസിദ്ധീകരിച്ചു; നികേഷ് കുമാറിനെതിരെ കേസ്