മലപ്പുറം: ജില്ലയിലെ മൂന്ന് വില്ലേജുകളിൽ ഡ്രോൺ സർവേ പൂർത്തിയായി. തിരൂർ താലൂക്കിലെ പെരുമണ്ണ, ആതവനാട്, ഏറനാട് താലൂക്കിലെ മലപ്പുറം വില്ലേജിലുമാണ് സർവേ പൂർത്തിയായത്. തിരൂർ താലൂക്കിലെ അനന്താവൂർ വില്ലേജിൽ സർവേ ജോലി പുരോഗമിക്കുകയാണ്. ജില്ലയിൽ ആകെ 18 വില്ലേജുകളാണ് ഡിജിറ്റൽ സർവേയിൽ ഉൾപ്പെടുത്തിയിട്ടുള്ളത്.
ജില്ലയിൽ റീസർവേയുടെ പ്രാരംഭ പ്രവർത്തനമായി 18 വില്ലേജുകളിലെയും നിലവിലെ സർവേ രേഖകൾ സ്‌കാൻ ചെയ്‌ത്‌ ഡിജിറ്റൽ രൂപത്തിലാക്കിയിട്ടുണ്ട്. നേരത്തെ റീസർവേ പൂർത്തിയാക്കിയ മഞ്ചേരി, നറുകര, മേൽമുറി, താനൂർ, പരിയാപുരം വില്ലേജുകളുടെ റീ സർവേ സ്‌കെച്ചുകൾ emaps.kerala.gov.in ഓൺലൈനിൽ പ്രസിദ്ധീകരിച്ചിട്ടുണ്ട്.
Read Also: മുഖ്യമന്ത്രി അമേരിക്കയിലേക്ക് യാത്ര തിരിച്ചു; പകരം ചുമതലയില്ല
