ഡെൽഹി: രാജ്യ തലസ്‌ഥാനത്ത് ഭൂചലനം. ഡെൽഹിയിലെ പഞ്ചാബി ബാഗ് മേഖലയിലാണ് ഭൂചലനമുണ്ടായത്. ഇന്ന് ഉച്ചയ്‌ക്ക് 12 മണിയോടെ ആയിരുന്നു ഭൂചലനം.
റിക്‌ടർ സ്‌കെയിലിൽ 2.1 തീവ്രത രേഖപ്പെടുത്തിയ ഭൂചലനത്തിൽ ആളപായമോ മറ്റ് നാശനഷ്‌ടങ്ങളോ റിപ്പോർട് ചെയ്യപ്പെട്ടിട്ടില്ലെന്ന് അധികൃതർ അറിയിച്ചു.
അഞ്ച് സീസ്‌മിക് സോണുകളിലെ നാലാം സോണിലാണ് ഡെൽഹി ഉൾപ്പെടുന്നത്. മധ്യേഷ്യ, ഹിമാലയ എന്നിവിടങ്ങളിൽ ഭൂകമ്പം ഉണ്ടാകുമ്പോൾ ഡെൽഹിയിലും അനുഭവപ്പെടാറുണ്ടെങ്കിലും ഭൂകമ്പത്തിന്റെ പ്രഭവകേന്ദ്രം ഡെൽഹിയാകുന്നത് അപൂർവമാണ്.
തജികിസ്‌ഥാനിൽ കഴിഞ്ഞ ഫെബ്രുവരിയിൽ ഭൂകമ്പമുണ്ടായപ്പോൾ ഡെൽഹിയിലും കുലുക്കം അനുഭവപ്പെട്ടിരുന്നു. 6.3 തീവ്രതയിലാണ് അന്ന് തജികിസ്‌ഥാനിൽ ഭൂകമ്പമുണ്ടായത്.
Most Read: ‘ഡ്യൂട്ടി ഡോക്‌ടറെ മർദിച്ച പോലീസുകാരനെ അറസ്‌റ്റ് ചെയ്യണം’; ഡോക്‌ടർമാർ സമരത്തിലേക്ക്
