ജോസിന് ‘ രണ്ടില ‘; ജോസഫിന് തിരിച്ചടി

By Desk Reporter, Malabar News
jose k mani _2020 Sep 01

കോട്ടയം: കേരള കോൺഗ്രസിന്റെ തെരഞ്ഞെടുപ്പ് ചിഹ്നമായ രണ്ടിലയെ ചൊല്ലിയുള്ള തർക്കങ്ങളിൽ തീർപ്പു കൽപ്പിച്ച് കേന്ദ്ര തെരഞ്ഞെടുപ്പ് കമ്മീഷൻ. ചിഹ്നം ജോസ് കെ മാണി വിഭാഗത്തിന് ഉപയോഗിക്കാമെന്ന് അന്തിമ വിധിയിൽ കമ്മീഷൻ വ്യക്തമാക്കി. ഇതോടെ കഴിഞ്ഞ കുറച്ചു നാളുകളായി കേരള കോൺഗ്രസിൽ തുടരുന്ന അവകാശ തർക്കത്തിൽ ജോസ് കെ മാണി താത്കാലിക വിജയം നേടി. വിധിക്കെതിരെ അപ്പീൽ നൽകുമെന്ന് പി.ജെ. ജോസഫ് പറഞ്ഞു.

തെരഞ്ഞെടുപ്പ് കമ്മീഷനിലെ മൂന്നിൽ രണ്ടംഗങ്ങളും തീരുമാനത്തെ അനുകൂലിച്ചപ്പോൾ ഒരാൾ എതിർത്തിരുന്നു. എന്നാൽ ഭൂരിപക്ഷ തീരുമാനം അടിസ്ഥാനമാക്കി ചിഹ്നം ജോസ് വിഭാഗത്തിന് തന്നെ നൽകാൻ ധാരണയായി.

ആത്യന്തികമായി സത്യം വിജയിക്കും എന്നതിന്റെ തെളിവാണ് ഈ വിധിയെന്ന് ജോസ് കെ മാണി പ്രതികരിച്ചു. കേരള കോൺഗ്രസ്‌ പ്രവർത്തകരുടെ അഭിമാനമാണ് ഇതിലൂടെ ഉയർത്തിക്കാണിക്കുന്നത്. കെ.എം. മാണി മുന്നോട്ട് വെച്ച രാഷ്ട്രീയത്തെ ഇല്ലാതാക്കാൻ ശ്രമിച്ചവർക്കുള്ള മറുപടിയാണ് തീരുമാനമെന്നും ജോസ് കൂട്ടിച്ചേർത്തു. എന്നാൽ കമ്മീഷനിലെ ഒരംഗം എതിർത്ത സാഹചര്യത്തിൽ വിധിക്കെതിരെ അപ്പീൽ നൽകുമെന്ന് പി.ജെ.ജോസഫ് പറയുന്നു.

വരാനിരിക്കുന്ന തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിൽ അടക്കം തീരുമാനം ജോസ് വിഭാഗത്തിന് ഗുണം ചെയ്‌തേക്കും എന്നാണ് വിലയിരുത്തൽ. മാണിയുടെ മരണത്തിനു പിന്നാലെ പാർട്ടിയിൽ ഉടലെടുത്ത തർക്കങ്ങളിൽ ഒരു ഘട്ടം വരെ ജോസഫിനായിരുന്നു മേൽക്കൈ. എന്നാൽ തെരഞ്ഞെടുപ്പ് ചിഹ്നം നഷ്ടപ്പെട്ടതോടെ ജോസഫ് വിഭാഗം കടുത്ത ആശങ്കയിലാണ്.

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE