പാലക്കാട്: ഒറ്റപ്പാലം മനിശ്ശേരിയിൽ ആനയുടെ ആക്രമണത്തിൽ പാപ്പാന് ദാരുണാന്ത്യം. പത്തിരിപ്പാല സ്വദേശി വിനോദ്(30) ആണ് മരിച്ചത്. ഇന്ന് രാവിലെ ഏഴരയോടെ മനിശ്ശേരിയിലെ സ്വകാര്യ വളപ്പിലാണ് സംഭവം. ചികിൽസയിൽ ഇരിക്കുന്ന ആനക്ക് മരുന്ന് നൽകുന്നതിനിടെയാണ് ആക്രമണം ഉണ്ടായത്
മരുന്ന് കൊടുക്കുന്നതിടെ മൂത്തുകുന്നം പത്ഭനാഭൻ എന്ന ആനയാണ് ഒന്നാം പാപ്പാനായ വിനോദിനെ കൊമ്പുകൊണ്ട് അടിച്ചു തെറിപ്പിച്ചത്. അപകടത്തിൽ വിനോദ് തൽക്ഷണം മരിക്കുകയായിരുന്നുവെന്ന് പോലീസ് പറഞ്ഞു. മൃതദേഹം കണ്ണിയംപുറത്തെ സ്വകാര്യ ആശുപത്രി മോർച്ചറിയിലേക്ക് മാറ്റി.
Most Read: ട്രാൻസ്ജെൻഡർ യുവതിയുടെ ആത്മഹത്യ; ഷെറിൻ സെലിന്റെ പോസ്റ്റുമോർട്ടം ഇന്ന്