കൊച്ചി: പെരുമ്പാവൂർ ഇവിഎം തിയേറ്ററിൽ ജീവനക്കാരനെ കത്തിക്കരിഞ്ഞ നിലയില് കണ്ടെത്തി. തമിഴ്നാട് തിരുണ്ണാമല സ്വദേശി മണികണ്ഠനെ(29)യാണ് മരിച്ച നിലയിൽ കണ്ടെത്തിയത്. സംഭവത്തില് പെരുമ്പാവൂര് പോലീസ് അന്വേഷണം ആരംഭിച്ചു.
ശനിയാഴ്ച രാവിലെയോടെയാണ് തിയേറ്ററിനുള്ളില് മണികണ്ഠന്റെ കത്തിക്കരിഞ്ഞ ശരീരം കണ്ടെത്തിയത്. തിയേറ്ററിലെ ജനറേറ്റർ റൂമിന് സമീപത്തെ മുറിയിലായിരുന്നു മൃതദേഹം ഉണ്ടായിരുന്നത്. ആത്മഹത്യ ആണെന്നാണ് പോലീസിന്റെ പ്രാഥമിക നിഗമനം.
സംഭവദിവസം മറ്റ് ജീവനക്കാരോട് സംസാരിച്ച ശേഷമാണ് മണികണ്ഠന് തിയേറ്ററിനുള്ളില് കയറിയത്. 8 വർഷത്തോളമായി മണികണ്ഠന് ഇവിടെ ജോലി ചെയ്യുന്നു. ആദ്യം തിയേറ്ററിലെ ക്യാന്റീനിലായിരുന്നു ജോലി നോക്കിയിരുന്നത്.
Most Read: രഞ്ജിത്ത് വധക്കേസ്: പ്രതികളെ പിടിച്ചുതരാം, ശരീരത്തിൽ കേടുപാടുണ്ടാവും; എംടി രമേശ്