തിരുവനന്തപുരം: ട്രാവൻകൂർ ഷുഗേഴ്സ് ആൻഡ് കെമിക്കൽസ് നിർമിക്കുന്ന ജവാൻ മദ്യത്തിലെ ആൽക്കഹോളിന്റെ അളവ് വർധിച്ചതിനെ തുടർന്ന് വിൽപ്പന മരവിച്ചു. 245, 246, 247 എന്നീ നമ്പറുകളിലുള്ള ജവാൻ മദ്യത്തിന്റെ വിൽപ്പനയാണ് മരവിപ്പിച്ചത്. ഇതുസംബന്ധിച്ച് എല്ലാ ഡിവിഷനുകളിലെയും ഡെപ്യൂട്ടി എക്സൈസ് കമ്മീഷണർമാർക്ക് മുന്നറിയിപ്പ് നൽകി. സംസ്ഥാന സർക്കാരിന് കീഴിലുള്ള സ്ഥാപനമാണ് ഷുഗേഴ്സ് ആൻഡ് കെമിക്കൽസ്.
കോഴിക്കോട് മുക്കത്തെ സ്വകാര്യ ബാറിൽ നിന്ന് ഈ മദ്യം ഉപയോഗിച്ചവർക്ക് ശാരീരിക അസ്വസ്ഥതകൾ പ്രകടമായതിനാൽ എക്സൈസ് എക്സൈസ് വകുപ്പിന് പരാതി നൽകിയിരുന്നു. ഇതിനെ തുടർന്നുണ്ടായ പരിശോധനയിലാണ് മദ്യത്തിന്റെ വീര്യം അനുവദനീയമായ അളവിലും കൂടുതലുള്ളതായി കണ്ടെത്തിയത്.
Read also: പാലാരിവട്ടം അഴിമതി കേസ്; ഇബ്രാഹിം കുഞ്ഞ് അറസ്റ്റിൽ