കൊച്ചി: പാലാരിവട്ടം പാലം അഴിമതി കേസിൽ മുൻ പൊതുമരാമത്ത് വകുപ്പ് മന്ത്രി വികെ ഇബ്രാഹിം കുഞ്ഞിനെ വിജിലൻസ് അറസ്റ്റ് ചെയ്തു. ഇബ്രാഹിം കുഞ്ഞിനെ പ്രവേശിപ്പിച്ചിരുന്ന ആശുപത്രിയിൽ എത്തിയാണ് അന്വേഷണസംഘം ഇദ്ദേഹത്തെ അറസ്റ്റ് ചെയ്തത്.
ഇന്ന് രാവിലെ കസ്റ്റഡിയിലെടുത്ത് ചോദ്യം ചെയ്യാനായി വിജിലൻസ് സംഘം ഇദ്ദേഹത്തിന്റെ വീട്ടിൽ എത്തിയിരുന്നു. എന്നാൽ ഇദ്ദേഹം ആശുപത്രിയിലാണെന്ന വിവരമാണ് വിജിലൻസിന് ലഭിച്ചത്. തുടർന്ന് അന്വേഷണ സംഘം ആശുപത്രിയിൽ എത്തിയാണ് അറസ്റ്റ് രേഖപ്പെടുത്തിയത്. ഇബ്രാഹിം കുഞ്ഞിനെ അറസ്റ്റ് ചെയ്യാൻ നിയമതടസങ്ങൾ ഒന്നുമില്ലെന്നാണ് വിലയിരുത്തുന്നത്. പാലാരിവട്ടം അഴിമതി കേസിൽ ഇദ്ദേഹത്തെ 5ആം പ്രതിയാക്കാനാണ് സാധ്യത.
Read also: ബിലീവേഴ്സ് ചര്ച്ചിന്റെ പേരില് ബിനാമി ഇടപാടും; പരിശോധന കടുപ്പിച്ച് അന്വേഷണ സംഘം