വയനാട്: സുല്ത്താന് ബത്തേരിക്കടുത്ത് ചാരായ വേട്ട. സുല്ത്താന് ബത്തേരിയില് നിന്ന് രണ്ടിടങ്ങളിലായാണ് 100 ലിറ്റര് വാഷും എട്ട് ലിറ്റര് ചാരായവും എക്സൈസ് പിടിച്ചെടുത്തത്.
എക്സൈസ് ഇന്റലിജന്സിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് സുല്ത്താന് ബത്തേരി തോട്ടാമൂല കമ്പക്കോടി ഭാഗത്ത് നിന്ന് ചാരായം പിടികൂടിയത്. സംഭവത്തില് കോഴിപ്പാടത്ത് വീട്ടില് കെ.കെ. സുരേഷിന്റെ പേരില് കേസെടുത്തു.
കല്ലൂര് പണപ്പാടി കോളനിക്ക് സമീപം ഓണം സ്പെഷ്യല് ഡ്രൈവിന്റെ ഭാഗമായാണ് എക്സൈസ് പരിശോധന നടത്തിയത്. പരിശോധനയില് ചാരായം വാറ്റാന് പാകപ്പെടുത്തിയ വാഷ് പിടികൂടി. കേസില് ഇനിയും പ്രതികള് ഉള്പ്പെട്ടിട്ടുണ്ടെന്നും ഇവര്ക്കായുള്ള അന്വേഷണം പുരോഗമിക്കുകയാണെന്നും എക്സൈസ് ഉദ്യോഗസ്ഥര് പറഞ്ഞു.