ഫഹദ് ഫാസിൽ നായകനാകുന്ന, മലയാള സിനിമാപ്രേമികൾ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ‘മലയൻകുഞ്ഞ്’. ഇപ്പോഴിതാ സിനിമക്കായി എആർ റഹ്മാൻ പശ്ചാത്തല സംഗീതം ഒരുക്കുന്നു എന്ന വാർത്തയാണ് പുറത്തുവരുന്നത്.
എഴുത്തുകാരനും മാദ്ധ്യമ പ്രവർത്തകനുമായ ശ്രീധർ പിള്ളയാണ് ട്വിറ്ററിലൂടെ ഇക്കാര്യം അറിയിച്ചത്. ‘മലയൻകുഞ്ഞി’ന്റെ ട്രെയ്ലർ ഡിസംബർ 24ന് പുറത്തുവിടുമെന്നും ട്വീറ്റിൽ പറയുന്നു.
#ARRahman to provide score for #FahadhFaasil‘s #MalayanKunju!
Writer & Camera #MaheshNarayanan
Directed by #Sajimon @arrahman music for #FAFA pic.twitter.com/LZ1A9jFOuq— Sreedhar Pillai (@sri50) December 21, 2021
നവാഗതനായ സജിമോനാണ് ചിത്രം സംവിധാനം ചെയ്യുന്നത്. മഹേഷ് നാരായണന്റേതാണ് തിരക്കഥ. സെഞ്ച്വറി ഫിലിംസ് തിയേറ്ററുകളിൽ എത്തിക്കുന്ന ചിത്രം നിർമിക്കുന്നത് ഫാസിലാണ്. 16 വര്ഷങ്ങള്ക്ക് ശേഷമാണ് ഫാസിൽ നിർമാണ രംഗത്തേക്ക് തിരിച്ചുവരുന്നത്.
സുഷിന് ശ്യാമാണ് ചിത്രത്തിന്റെ സംഗീത സംവിധാനം നിർവഹിക്കുന്നത്. പ്രൊഡക്ഷന് ഡിസൈൻ- ജ്യോതിഷ് ശങ്കര്, മേക്കപ്പ്- രഞ്ജിത് അമ്പാടി, വസ്ത്രാലങ്കാരം- ധന്യാ ബാലകൃഷ്ണന്, സൗണ്ട് ഡിസൈൻ- വിഷ്ണു ഗോവിന്ദ്, ശ്രീശങ്കര്, പ്രൊഡക്ഷന് കണ്ട്രോളര്- ബെന്നി കട്ടപ്പന എന്നിവരാണ് മറ്റ് അണിയറ പ്രവർത്തകർ.
Most Read: മുഖസൗന്ദര്യത്തിന് പരീക്ഷിക്കാം ചില പ്രകൃതിദത്ത വഴികൾ