‘ഫാമിലി മാന്’ എന്ന ആമസോണ് സീരീസിന് ശേഷം മലയാളി താരം നീരജ് മാധവ് വേഷമിടുന്ന ഹിന്ദി ആന്തോളജിയായ ‘ഫീല്സ് ലൈക്ക് ഇഷ്കി’ന്റെ ട്രെയ്ലര് പുറത്തുവിട്ടു. നെറ്റ്ഫ്ളിക്സ് ഒറിജിനല് ചിത്രം ജൂലൈ 23നാണ് റിലീസ് ചെയ്യുന്നത്.
പ്രണയത്തെ കുറിച്ചുള്ള ഈ ആന്തോളജി ചിത്രത്തിൽ ഏഴ് സംവിധായകർ ഒരുക്കിയ ഏഴ് ഷോര്ട് ഫിലിമുകളാണ് ഉള്ളത്. ഇതിൽ നീരജ് മാധവ് കേന്ദ്ര കഥാപാത്രമാവുന്ന ചിത്രം സംവിധാനം ചെയ്തിരിക്കുന്നത് സച്ചിന് കുന്ദല്ക്കറാണ്. ‘അയ്യ’, ‘കൊബാള്ട്ട് ബ്ളൂ’ എന്നീ ചിത്രങ്ങളുടെ സംവിധായകനാണ് ഇദ്ദേഹം.
മുംബൈയില് താമസിക്കുന്ന മലയാളി പശ്ചാത്തലമുള്ള യുവാവിനെയാണ് ചിത്രത്തില് നീരജ് അവതരിപ്പിക്കുന്നത്. ‘ഇന്റര്വ്യൂ’ എന്നാണ് നീരജിന്റെ കഥാപാത്രത്തിന്റെ പേര്. നേരത്തെ ‘കൊബാൾട്ട് ബ്ളൂ’വിൽ അഭിനയിക്കാനും സച്ചിന് കുന്ദല്ക്കർ നീരജിനെ ക്ഷണിച്ചിരുന്നു. എന്നാൽ തിരക്കുകൾ മൂലം ചിത്രത്തിന്റെ ഭാഗമാകാൻ നീരജിന് കഴിഞ്ഞിരുന്നില്ല.
Most Read: യൂറോ കപ്പ്; ക്വാർട്ടർ ലൈനപ്പായി, പോരാട്ടം കനക്കും