പാറ്റ്ന: ബിഹാര് സെക്രട്ടറിയേറ്റില് വന് തീപിടുത്തം. ആളപായമില്ലെങ്കിലും പ്രധാന ഫയലുകളും രേഖകളും തീപിടുത്തത്തില് കത്തിനശിച്ചുവെന്ന് സര്ക്കാര് വൃത്തങ്ങള് അറിയിച്ചു. സര്ക്കാരിന്റെ ഗ്രാമീണ വികസന വകുപ്പിന്റെ ഓഫീസിലാണ് തീപിടുത്തമുണ്ടായത്. രാത്രി 1.30 ഓടെയായിരുന്നു സംഭവം. കെട്ടിടത്തിന്റെ താഴത്തെ നിലയില് നിന്ന് പടര്ന്ന, ഒന്നാമത്തെ നിലയിലേക്കും വ്യാപിക്കുകയായിരുന്നു. 15 മണിക്കൂറുകള്ക്ക് ശേഷമാണ് തീ അണക്കാന് കഴിഞ്ഞത്.
അതേസമയം തീപിടുത്തത്തിന് പിന്നില് ഗൂഢാലോചനയുണ്ടെന്ന് ആര്ജെഡി ആരോപിച്ചു. അഴിമതികളുടെ തെളിവുകള് നശിപ്പിക്കാനായി നിതീഷ് കുമാറിന്റെ നേതൃത്വത്തിലുള്ള എന്ഡിഎ സര്ക്കാര്, രേഖകള് കത്തിച്ചതാണെന്നാണ് പ്രതിപക്ഷ വാദം.
Read also: ആഭ്യന്തര കലഹത്തിൽ മുങ്ങി കർണാടകാ ബിജെപി; യെദിയൂരപ്പ പുറത്താകുമെന്ന് വിമത വിഭാഗം