തിരുവനന്തപുരം: സംസ്‌ഥാനത്ത് മുഖ്യമന്ത്രിക്ക് എതിരെ നടക്കുന്ന പ്രതിഷേധങ്ങൾ വ്യാപകമാകുകയാണ്. വിളപ്പിൽ ശാലയിൽ മുഖ്യമന്ത്രിക്ക് നേരെ കരിങ്കൊടി വീശിയതിനെ തുടർന്ന് 4 പേരെ പോലീസ് അറസ്‌റ്റ് ചെയ്‌തു. നാല് യൂത്ത് കോൺഗ്രസ് പ്രവർത്തകരെയാണ് പോലീസ് അറസ്‌റ്റ് ചെയ്‌തത്‌.
കൂടാതെ കോഴിക്കോടും മുഖ്യമന്ത്രിക്കെതിരെ കോൺഗ്രസിന്റെ പ്രതിഷേധം നടന്നു. തുടർന്ന് പ്രതിഷേധത്തിനിടെ സിപിഐഎമ്മിന്റെ കൊടികളും തോരണങ്ങളും നശിപ്പിക്കുകയും, പോലീസും പ്രവർത്തകരും തമ്മിൽ സംഘർഷമുണ്ടാകുകയും ചെയ്‌തു.
കൊല്ലം കളക്‌ടറേറ്റിലേക്ക് മുഖ്യമന്ത്രി രാജി വെക്കണമെന്ന ആവശ്യവുമായി ആർഎസ്‌പി നടത്തിയ മാർച്ചും സംഘർഷത്തിലാണ് കലാശിച്ചത്. സംഘർഷത്തിൽ എൻകെ പ്രേമചന്ദ്രൻ എംപിക്കും, രണ്ട് പ്രവർത്തകർക്കും പോലീസ് ലാത്തിച്ചാർജിൽ പരുക്കേറ്റു. പോലീസ് രണ്ട് തവണ കണ്ണീർവാതകം പ്രയോഗിക്കുകയും ചെയ്‌തു.
Read also: രാഹുൽ ഗാന്ധി ഇഡി ഓഫിസിൽ; ഡെൽഹിയിൽ ഇന്നും സംഘർഷം; നേതാക്കൾ കസ്‌റ്റഡിയിൽ
