കമല്‍ ഹാസനെ നായകനാക്കി ലോകേഷ് കനകരാജ് സംവിധാനം ചെയ്യുന്ന ചിത്രമായ ‘വിക്ര’ത്തിന്റെ ഛായാഗ്രഹണം നിര്‍വ്വഹിക്കുക മലയാളത്തിന്റെ സ്വന്തം ഗിരീഷ് ഗംഗാധരനെന്ന് റിപ്പോർട്ടുകൾ. കമലിന്റെ കഴിഞ്ഞ പിറന്നാള്‍ ദിനത്തില്‍ ടൈറ്റില്‍ പ്രഖ്യാപിച്ച ചിത്രത്തിൽ ഛായാഗ്രാഹകനായി ആദ്യം നിശ്‌ചയിച്ചത് സത്യൻ സൂര്യനെയാണ്. എന്നാൽ തിരക്കുകൾ കാരണം സത്യൻ സൂര്യൻ പിൻമാറിയതിനാൽ ഗിരീഷായിരിക്കും പകരം ക്യാമറ കൈകാര്യം ചെയ്യുകയെന്ന് ടൈംസ് ഓഫ് ഇന്ത്യ റിപ്പോർട് ചെയ്യുന്നു.
സമീര്‍ താഹിറിന്റെ ‘നീലാകാശം പച്ചക്കടല്‍ ചുവന്ന ഭൂമി’യിലൂടെ സ്വതന്ത്ര ഛായാഗ്രാഹകനായ ഗിരീഷ് പിന്നീടങ്ങോട്ട് നിരവധി ഹിറ്റ് ചിത്രങ്ങളുടെ ഭാഗമായി മാറി. ലിജോ ജോസ് പെല്ലിശ്ശേരിയുടെ അങ്കമാലി ഡയറീസ്, ജല്ലിക്കട്ട്, ജോണ്‍പോള്‍ ജോര്‍ജിന്റെ ഗപ്പി, ശ്യാമപ്രസാദിന്റെ ഹേയ് ജൂഡ് തുടങ്ങിയവയാണ് ശ്രദ്ധേയ ചിത്രങ്ങള്‍. എ ആര്‍ മുരുഗദോസിന്റെ വിജയ് ചിത്രം സര്‍ക്കാരിലൂടെ ആയിരുന്നു ഗിരീഷിന്റെ തമിഴിലെ അരങ്ങേറ്റം.
Read Also: ശരീരത്തിൽ നിറയെ തേനീച്ചകളുമായി ആഞ്‌ജലീന; അമ്പരപ്പിച്ച് ഫോട്ടോഷൂട്ട്
