ഇടുക്കി: ജില്ലയിലെ തൊടുപുഴയിൽ സഹോദരങ്ങൾ തമ്മിലുണ്ടായ വാക്കു തർക്കത്തെ തുടർന്ന് ജ്യേഷ്‌ഠനെ വെടിവെച്ച അനുജൻ പിടിയിൽ. മാവറ സിറ്റി സ്വദേശി സാന്റോയാണ് പിടിയിലായത്. തൃശൂരിൽ നിന്നാണ് ഇയാളെ ഉടുമ്പഞ്ചോല പോലീസ് കസ്‌റ്റഡിയിൽ എടുത്തത്. സാന്റോയുടെ ജ്യേഷ്‌ഠൻ സിബി ജോര്‍ജിനാണ് വെടിയേറ്റത്.
സേനാപതിയ്‌ക്ക്‌ സമീപം മാവറ സിറ്റിയിലാണ് സംഭവം നടന്നത്. സിബിയെ എയർഗൺ ഉപയോഗിച്ചാണ് സാന്റോ വെടിവെച്ചത്. സഹോദരങ്ങൾ തമ്മിലുണ്ടായ വാക്കുതർക്കം വെടിവെപ്പിൽ കലാശിക്കുകയായിരുന്നു.
വെടിയേറ്റ സിബിയെ നാട്ടുകാർ അടിമാലിയിലുള്ള സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. കഴുത്തിൽ വെടിയേറ്റ സിബിക്ക് ശസ്‌ത്രക്രിയ നടത്തി വെടിയുണ്ടകൾ പുറത്തെടുക്കുകയും ചെയ്‌തു. സിബി അപകടനില തരണം ചെയ്‌തിട്ടുണ്ട്‌.
Most Read: ‘പോരാട്ടത്തിന്റെ പെൺപ്രതീകം’; ചലച്ചിത്ര മേളയിൽ നിറസാന്നിധ്യമായി ഭാവന
