തിരുവനന്തപുരം: കേരളത്തില് ഇന്നും അടുത്ത രണ്ട് ദിവസവും അതിശക്തമായ മഴക്ക് സാധ്യത ഉണ്ടെന്ന് കേന്ദ്ര കാലാവസ്ഥ വകുപ്പിന്റെ അറിയിപ്പിനെ തുടര്ന്ന് വിവിധ ജില്ലകളില് ഓറഞ്ച്, യെല്ലോ അലര്ട്ടുകള് പുറപ്പെടുവിച്ചു.
ഓറഞ്ച് അലര്ട്ട്-
ഇന്ന് (ഡിസംബര് 5)- കൊല്ലം, പത്തനംതിട്ട, ഇടുക്കി.
ഡിസംബര് 6– പത്തനംതിട്ട, എറണാകുളം, ഇടുക്കി, മലപ്പുറം. ഇവിടെ ഒറ്റപ്പെട്ടയിടങ്ങളില് 24 മണിക്കൂറില് 115.6 മീമീ മുതല് 204.4 മീമീ വരെ മഴ ലഭിക്കാനുള്ള സാധ്യതയുണ്ട്.
യെല്ലോ അലര്ട്ട്-
ഇന്ന്- തിരുവനന്തപുരം, ആലപ്പുഴ, കോട്ടയം, എറണാകുളം, തൃശൂര്, പാലക്കാട്.
ഡിസംബര് 6– തിരുവനന്തപുരം, കൊല്ലം, ആലപ്പുഴ, കോട്ടയം, തൃശൂര്, പാലക്കാട്, കോഴിക്കോട്, വയനാട്.
ഡിസംബര് 7– തിരുവനന്തപുരം, കൊല്ലം, ആലപ്പുഴ, എറണാകുളം, ഇടുക്കി, തൃശൂര്. ഒറ്റപ്പെട്ടയിടങ്ങളില് 24 മണിക്കൂറില് 64.5 മീമീ മുതല് 115.5 മീമീ വരെ ലഭിക്കുന്ന ശക്തമായ മഴയാണ് പ്രവചിക്കപ്പെട്ടിരിക്കുന്നത്.
ഓറഞ്ച്, മഞ്ഞ അലര്ട്ട് പ്രഖ്യാപിക്കപ്പെട്ടിരിക്കുന്ന ജില്ലകളില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്- മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണം. ഇടിമിന്നലിനും സാധ്യതയുള്ളതിനാല് സംസ്ഥാന ദുരന്ത നിവാരണ അതോറിറ്റി പുറപ്പെടുവിച്ചിട്ടുള്ള ഇടിമിന്നല് ജാഗ്രത നിര്ദേശം പാലിക്കണമെന്ന് കാലാവസ്ഥ വകുപ്പ് നിര്ദേശം പുറപ്പെടുവിച്ചു.
National News: ഒരുങ്ങുന്നു 970 കോടിയുടെ പാർലമെന്റ് മന്ദിരം; പ്രധാനമന്ത്രി തറക്കല്ലിടും