പാലക്കാട്: കനത്ത മഴയെ തുടർന്ന് അട്ടപ്പാടിയിലും നെല്ലിയാമ്പതിയിലും മണ്ണിടിച്ചിൽ. രണ്ടിടത്തും റോഡ് ഗതാഗതം പൂർണമായും തടസപ്പെട്ടു. അട്ടപ്പാടിയിൽ കാരറ-ഗൂളിക്കടവ് റോഡിലേക്കാണ് മണ്ണിടിഞ്ഞു വീണത്. ഇതുവഴിയുള്ള ഗതാഗതം തടസപ്പെട്ടു. ഇവിടെ നാട്ടുകാർ എത്തി മണ്ണ് നീക്കുകയാണ്.
നെല്ലിയാമ്പതിയിൽ കുണ്ടറചോലക്ക് സമീപമാണ് മണ്ണിടിച്ചിൽ ഉണ്ടായത്. ശക്തമായ കാറ്റിലും മഴയിലുമാണ് റോഡിലേക്ക് മണ്ണിടിഞ്ഞു വീണത്. നെല്ലിയാമ്പതിയിൽ പലയിടത്തും റോഡ് ഗതാഗതം തടസപ്പെട്ടു. ജില്ലയിൽ കനത്ത മഴയാണ് പെയ്യുന്നത്. ഇന്ന് ജില്ലയിൽ യെല്ലോ അലർട് പ്രഖ്യാപിച്ചിരുന്നു. നാളെ ഓറഞ്ച് അലർട്ടും പ്രഖ്യാപിച്ചിട്ടുണ്ട്.
Read Also: പൊതുജനത്തോട് എങ്ങനെ പെരുമാറണമെന്ന് പോലീസിന് ഇപ്പോഴും അറിയില്ല; ഹൈക്കോടതി