ഡെൽഹി: 2020ലെ ഇന്ത്യൻ ഇക്കണോമിക് സർവീസ്, ഇന്ത്യൻ സ്‌റ്റാറ്റിസ്‌റ്റിക്കൽ സർവീസ് പരീക്ഷയുടെ അഭിമുഖം മാറ്റിവെച്ചതായി യൂണിയൻ പബ്‌ളിക് സർവീസ് കമ്മീഷൻ (യുപിഎസ്‌സി) അറിയിപ്പ്. പുതുക്കിയ പരീക്ഷാ തീയതികൾ വൈകാതെ അറിയിക്കുമെന്നും അധികൃതർ അറിയിച്ചു.
കോവിഡ്-19 രോഗബാധയുടെ പശ്‌ചാത്തലത്തിലാണ് തീരുമാനം. ഏപ്രിൽ 20 മുതൽ 23 വരെയാണ് നേരത്തെ അഭിമുഖം നടത്താൻ തീരുമാനിച്ചിരുന്നത്. 162 ഉദ്യോഗാർഥികളാണ് ഐഇഎസ്, ഐഎസ്എസ് അഭിമുഖത്തിന് യോഗ്യത നേടിയിരുന്നത്.
ഏപ്രിൽ 20 മുതൽ നടത്താനിരുന്ന എല്ലാ റിക്രൂട്ട്മെന്റ് നടപടികളും മാറ്റിവെക്കാനും യുപിഎസ്‌സി തീരുമാനിച്ചു.
2021ലെ ഐഇഎസ്, ഐഎസ്എസ് പരീക്ഷകൾ നടത്താൻ നിശ്‌ചയിച്ചിരിക്കുന്നത് ജൂലൈ 16നാണ്. ഏപ്രിൽ 27 വരെ upsc.gov.in എന്ന വെബ്സൈറ്റ് വഴി ഇതിനായി അപേക്ഷിക്കാം. അപേക്ഷ പിൻവലിക്കാനുള്ള സംവിധാനവും യുപിഎസ്‌സി ഒരുക്കുന്നുണ്ട്.
Read Also: കോൺഗ്രസ് വിട്ടുനിന്നു; ചെന്നിത്തലയുടെ പഞ്ചായത്തിൽ അധികാരം പിടിച്ച് ബിജെപി
