ന്യൂ ഡെല്ഹി: 2050തോടെ ഇന്ത്യ ലോകത്തെ മൂന്നാമത്തെ വലിയ സാമ്പത്തിക ശക്തിയാകുമെന്ന് പഠനം. അമേരിക്ക, ചൈന തുടങ്ങിയ രാജ്യങ്ങളുടെ പിന്നാലെ ഇന്ത്യ മൂന്നാമത് എത്തുമെന്നാണ് പഠനം പറയുന്നത്. ലാന്സെറ്റ് ജേണലിലെ പഠനമാണ് ഇന്ത്യ വലിയ സാമ്പത്തിക ശക്തിയായി മാറുമെന്ന് വ്യക്തമാക്കുന്നത്.
തൊഴിലിടങ്ങളിലുള്ള ജനസംഖ്യയുടെ വളര്ച്ചയും ജിഡിപിയും അടിസ്ഥാനമാക്കിയാണ് ജേണലിന്റെ പഠനം. 2017ല് ഇന്ത്യ ലോകത്തെ ഏഴാമത്തെ വലിയ സാമ്പത്തിക ശക്തിയായിരുന്നു. 2030ല് ജപ്പാനെ മറികടന്ന് ഇന്ത്യ നാലാം സ്ഥാനത്ത് എത്തും. 2050തോടെ മൂന്നാം സ്ഥാനത്തേക്കും ഇന്ത്യ കുതിക്കുമെന്നാണ് പഠനം വ്യക്തമാക്കുന്നത്.
കോവിഡ് 19 വ്യാപനം മൂലം രാജ്യം കടുത്ത സാമ്പത്തിക പ്രതിസന്ധിയിലൂടെ കടന്ന് പോകുന്നതിനിടയിലാണ് പുതിയ പഠനം പുറത്തുവരുന്നത്. കോവിഡ് മൂലം സാമ്പത്തിക വര്ഷത്തിന്റെ ഒന്നാം പാദത്തില് ജിഡിപിയില് 23.9 ശതമാനത്തിന്റെ കുറവുണ്ടായിരുന്നു. എട്ടു വര്ഷത്തിനിടയില് ഏറ്റവും കുറഞ്ഞ നിരക്കായ 3.9 ശതമാനത്തിലാണ് നിലവില് ഇന്ത്യയുടെ ജിഡിപി വളര്ച്ച.
Read also: ലോകത്ത് 2.9 കോടി സ്ത്രീകള് ആധുനിക അടിമകളെന്ന് റിപ്പോര്ട്ട്