മൃദുല് നായരുടെ സംവിധാനത്തിൽ പുറത്തിറങ്ങുന്ന മലയാളത്തിലെ ആദ്യ സമ്പൂര്ണ വെബ് സീരിസ് ഇൻസ്റ്റഗ്രാമം 22ന് റിലീസ് ചെയ്യും. അണ്ടിപ്പാറ എന്ന ഗ്രാമവും അവിടയുളള കുറെ നിഷ്കളങ്കരായ മനുഷ്യരും അവരുടെ ജീവിതവുമാണ് ഇന്സ്റ്റഗ്രാമം വെബ് സീരീസിലൂടെ അവതരിപ്പിക്കുന്നത്. ഒടിടി പ്ളാറ്റ്ഫോമായ നീ സ്ട്രീം വഴിയാണ് സീരിസിന്റെ റിലീസ്.
പതിനാല് എപ്പിസോഡുകളാണ് വെബ് സീരിസിൽ ഉൾപ്പെടുത്തിയിട്ടുള്ളത്. ദീപക് പറമ്പോല്, സുബീഷ് സുധി, ബാലു വര്ഗീസ്, അർജുൻ അശോകന്, ഗണപതി, സാബു മോന്, അലന്സിയര്, ഗായത്രി അശോക്, ജിലു ജോസഫ് എന്നിവരാണ് പ്രധാന താരങ്ങള്. ഒപ്പം സണ്ണി വെയ്ന്, സിദ്ധാർത്ഥ് മേനോന്, സാനിയ അയ്യപ്പന് തുടങ്ങിയവര് അതിഥി താരങ്ങളായും എത്തുന്നുണ്ട്. നേരത്തെ സമൂഹ മാദ്ധ്യമങ്ങളില് അടക്കം ഏറെ ശ്രദ്ധ നേടിയിരുന്ന റിട്ടേണ് എന്ന ആല്ബവും ഈ കൂട്ട്കെട്ടിലൂടെ പുറത്ത് വന്നിരുന്നു.
Read also: ദൃശ്യം 2 തെലുങ്കിലേക്ക്; നായകൻ വെങ്കിടേഷ് തന്നെ