മലയാളത്തിലെ ആദ്യത്തെ സമ്പൂർണ്ണ വെബ് സീരീസായ ‘ഇൻസ്റ്റഗ്രാമം’ റിലീസിനൊരുങ്ങുന്നു. സീരീസിന്റെ ഒഫിഷ്യൽ ടീസർ പുറത്തിറങ്ങി. ഓൺലൈൻ പ്ളാറ്റ്ഫോമായ നീ സ്ട്രീം വഴിയാണ് സീരിസ് സ്ട്രീം ചെയ്യുന്നത്. മൃദുൽ നായരാണ് സീരീസ് സംവിധാനം ചെയ്യുന്നത്. കൂടാതെ മലയാളത്തിലെ നിരവധി പ്രമുഖ താരങ്ങളും സീരീസിൽ അണിനിരക്കുന്നുണ്ട്.
അണ്ടിപ്പാറ എന്ന സ്ഥലവും അവിടുത്തെ ജനങ്ങളുമാണ് ‘ഇൻസ്റ്റഗ്രാമ’ത്തിൽ അവതരിപ്പിക്കുന്നത്. കോമഡിക്ക് പ്രാധാന്യം നൽകുന്ന തരത്തിലാണ് സീരീസ് ഒരുക്കിയിരിക്കുന്നത് എന്ന് ടീസറിൽ നിന്നും വ്യക്തമാണ്. ദീപക് പരമ്പോൽ, ബാലു വർഗീസ്, അർജുൻ അശോകൻ, ഗണപതി, സുബീഷ് സുധി, സാബുമോൻ, അലൻസിയർ, ഗായത്രി അശോക്, ജിലു ജോസഫ് എന്നിവരാണ് സീരീസിൽ പ്രധാന വേഷത്തിലെത്തുന്നത്.
അതിനൊപ്പം തന്നെ സണ്ണി വെയ്ൻ, സിദ്ധാർഥ് മേനോൻ, ഡെയ്ൻ ഡേവിസ്, അദിതി രവി, ശ്രിന്ദ, സാനിയ ഇയ്യപ്പൻ എന്നിവരും സ്പെഷ്യൽ അപ്പിയറൻസിൽ സീരീസിൽ വേഷമിടുന്നുണ്ട്. ഡോക്ടർ ലീന എസ് ആണ് സീരീസിന്റെ നിർമ്മാണം നിർവഹിക്കുന്നത്.
Read also : സാഹിത്യ അക്കാദമി പുരസ്കാരങ്ങൾ പ്രഖ്യാപിച്ചു; ‘മീശ’ മികച്ച നോവൽ