തിരുവനന്തപുരം: 2019ലെ കേരള സാഹിത്യ അക്കാദമി പുരസ്‌കാരങ്ങൾ പ്രഖ്യാപിച്ചു. എസ് ഹരീഷിന്റെ ‘മീശ‘ എന്ന നോവലിനാണ് പുരസ്‌കാരം. പി രാമൻ, എം ആർ രേണുകുമാർ (കവിത), വിനോയ് തോമസ് (ചെറുകഥ) എന്നിവരും പുരസ്‌കാരത്തിന് അർഹരായി. 25,000 രൂപയും സാക്ഷ്യപത്രവും ഫലകവുമാണ് പുരസ്‌കാരം.
പി വൽസലക്കും എൻവിപി ഉണ്ണിത്തിരിക്കും അക്കാദമി വിശിഷ്‌ടാംഗത്വം ലഭിച്ചു. എൻകെ ജോസ്, പാലക്കീഴ് നാരായണൻ, പി അപ്പുക്കുട്ടൻ, റോസ് മേരി, യു കലാനാഥൻ, സിപി അബൂബക്കർ എന്നിവർക്ക് സമഗ്ര സംഭാവനക്കുള്ള പുരസ്‌കാരം ലഭിച്ചു. സംവിധായകൻ സത്യൻ അന്തിക്കാട് ഹാസ്യസാഹിത്യത്തിനുള്ള പുരസ്‌കാരത്തിന് അർഹനായി.
സജിത മഠത്തിൽ (നാടകം), ജിഷ അഭിനയ (നാടകം), ഡോ.കെഎം അനിൽ (സാഹിത്യ വിമർശനം), ജി മധുസൂദനൻ (വൈജ്‌ഞാനിക സാഹിത്യം), ഡോ. ആർവിജി മേനോൻ (വൈജ്‌ഞാനിക സാഹിത്യം), എംജിഎസ് നാരായണൻ (ജീവചരിത്രം/ആത്‌മകഥ), അരുൺ എഴുത്തച്ഛൻ (യാത്രാവിവരണം), കെ അരവിന്ദാക്ഷൻ (വിവർത്തനം), കെആർ വിശ്വനാഥൻ (ബാലസാഹിത്യം) തുടങ്ങിയവരും പുരസ്‌കാരത്തിന് അർഹരായി.
Read also: റവന്യൂ ഉൾപ്പടെയുള്ള വകുപ്പുകൾ പുതിയ മുഖം ആർജിച്ചു; കേരളം രാജ്യത്തിന് തന്നെ മാതൃക; മുഖ്യമന്ത്രി
