ഇന്ത്യൻ സൂപ്പർ ലീഗിൽ ഇന്ന് ചെന്നൈയിൻ എഫ്സി-ജംഷഡ്പൂർ എഫ്സി പോരാട്ടം. പ്ളേ ഓഫ് സാധ്യതകൾ നിലനിർത്താൻ ഇരു ടീമുകൾക്കും ഇന്ന് ജയം അനിവാര്യമാണ്. ഇന്ന് രാത്രി 7.30നാണ് മൽസരം.
നിലവിൽ 18 പോയിന്റുമായി ജംഷഡ്പൂർ ലീഗിൽ ഏഴാം സ്ഥാനത്തും 17 പോയിന്റുമായി ചെന്നൈയിൻ എട്ടാം സ്ഥാനത്തുമാണ്. ഈ സാഹചര്യത്തിൽ രണ്ട് ടീമുകൾക്കും ഇന്നത്തെ മൽസരത്തിൽ വിജയിച്ചേ മതിയാകൂ. തീപാറും പോരാട്ടത്തിനായുള്ള കാത്തിരിപ്പിലാണ് ആരാധകർ.
സമീപ കാലത്ത് അത്ര ഫോമിലല്ല ചെന്നൈയിനും ജംഷഡ്പൂരും. അതേസമയം സീസണിൽ ഇരു ടീമുകളും നേരത്തെ ഏറ്റുമുട്ടിയപ്പോൾ വിജയം ചെന്നൈയിന് ഒപ്പമായിരുന്നു. ഇന്നത്തെ മൽസരത്തിലും വിജയം ആവർത്തിക്കാൻ ആകുമെന്നാണ് ടീമിന്റെ പ്രതീക്ഷ.
ലീഗിൽ ഏറ്റവും കുറവ് ഗോളുകൾ നേടിയ ടീമാണ് ചെന്നൈയിൻ. ഗോൾവല കുലുക്കാൻ സാധിക്കാത്തത് തന്നെയാണ് അവരുടെ പ്രധാന പ്രശ്നവും. മറുവശത്തു ജംഷഡ്പൂരും ഗോളടിക്കാൻ പാടുപെടുകയാണ്.
Read Also: സിദ്ധാര്ഥ് ഭരതന്റെ ‘ചതുരം’; ചിത്രീകരണം തുടങ്ങി