ഒരു വിദേശ താരത്തെ കൂടി തട്ടകത്തിലേക്ക് എത്തിച്ചിരിക്കുകയാണ് കേരള ബ്ളാസ്റ്റേഴ്സ്. ഓസ്ട്രേലിയന് താരം ജോര്ദാന് മുറേയുമായാണ് കേരള ബ്ളാസ്റ്റേഴ്സ് എഫ് സി കരാറില് എത്തിയിരിക്കുന്നത്. 25 കാരനായ ഈ ഫോര്വേര്ഡ് താരം ഓസ്ട്രേലിയന് ക്ളബ്ബായ സെന്ട്രല് കോസ്റ്റ് മറൈനേഴ്സില് നിന്നാണ് എത്തുന്നത്.
ബ്ളാസ്റ്റേഴ്സില് ഒരു വര്ഷത്തെ കരാര് ആകും ജോര്ദാന് മുറേ ഒപ്പുവെക്കുന്നതെന്നാണ് ലഭിക്കുന്ന വിവരം. താരം ഒരു ഇന്ത്യന് ക്ളബിലേക്ക് താരം പോവുകയാണെന്ന് സെന്ട്രല് കോസ്റ്റ് മറൈനേഴ്സ് കഴിഞ്ഞ ദിവസം വ്യക്തമാക്കിയിരുന്നു.
അവസാന രണ്ടു വര്ഷമായി സെന്ട്രല് കോസ്റ്റിനു വേണ്ടിയാണ് ജോര്ദാന് ബൂട്ടുകെട്ടിയത്. മാത്രവുമല്ല സൗത്ത് കോസ്റ്റ് വെയില്സിനു വേണ്ടിയും സിഡ്നി ക്ളബ്ബായ എ പി ഐ എക്ക് വേണ്ടിയും താരം മുന്പ് കളിച്ചിട്ടുണ്ട്.
അഞ്ച് വിദേശ താരങ്ങളെയാണ് കേരള ബ്ളാസ്റ്റേഴ്സ് ഇതുവരെയായി കരാറില് ആയിരിക്കുന്നത്. വിസെന്റെ ഗോമസ്, ഫകുണ്ടോ പെരേര, സെര്ജിയോ സിഡോഞ്ച, കോസ്റ്റ, ഗാരി ഹൂപ്പര് എന്നിവരെ ടീമില് എത്തിച്ച വിവരം നേരത്തെ തന്നെ കേരള ബ്ളാസ്റ്റേഴ്സ് ഔദ്യോഗികമായി പ്രഖ്യാപിച്ചിരുന്നു.
Read Also: തദ്ദേശ തെരഞ്ഞെടുപ്പ് ഡിസംബര് ആദ്യവാരം