മുംബൈ: ഇന്ത്യൻ സൂപ്പർ ലീഗ് ഒമ്പതാം സീസണിന് തയ്യാറെടുക്കുന്ന കേരളാ ബ്ളാസ്റ്റേഴ്സ് വിട്ട് രണ്ട് താരങ്ങൾ. ഗോളി അൽബിനോ ഗോമസ്, വിങ്ങർ സെയ്‌ത്യാസെൻ സിങ് എന്നിവരാണ് ക്ളബ് വിട്ടത്. ഇക്കാര്യത്തിൽ ഔദ്യോഗിക പ്രഖ്യാപനം പുറത്തുവന്നു.
അൽബിനോ 2020-21 സീസണിലാണ് ബ്ളാസ്‌റ്റേഴ്സിലെത്തുന്നത്. ക്ളബിന്റെ ഫസ്‌റ്റ് ഗോളിയായിരുന്ന അൽബിനോ, കഴിഞ്ഞ സീസണിലും ഉണ്ടായിരുന്നു. എന്നാൽ സീസണിനിടെ പരിക്കേറ്റ താരം മാസങ്ങളോളം പുറത്തിരിക്കണ്ടിവന്നു.
ഇതേ തുടർന്ന് അൽബിനോയ്‌ക്ക് പകരം പ്രഭസുഖാൻ ഗിൽ കേരളത്തിന്റെ കാവൽക്കാരനായി. മികച്ച പ്രകടനം കാഴ്‌ചവെച്ച പ്രഭസുഖാൻ ഗിൽ പിന്നീട് ഒന്നാം ഗോളി സ്‌ഥാനം ഉറപ്പിക്കുകയും ചെയ്‌തു. ഇതിനിടെ കഴിഞ്ഞ സീസണിൽ എത്തിയ സീനിയർ ഗോൾ കരൺജിത് സിങ് ബ്ളാസ്‌റ്റേഴ്സുമായി കരാർ പുതുക്കുകയും ചെയ്‌തു. ഇതോടെയാണ് അൽബിനോ ഗോമസ് ടീം വിടുന്നത്.
അതേസമയം 2019 മുതൽ ബ്ളാസ്റ്റേഴ്സ് നിരയിലെ സാന്നിധ്യമാണ് 30കാരനായ സെയ്‌ത്യാസെൻ. എന്നാൽ കഴിഞ്ഞ സീസണിനിടെ ഈ വിങ്ങർ ഹൈദരബാദ് എഫ്‌സിയിലേക്ക് ലോണിൽ പോയിരുന്നു. ഇതിന്റെ തുടർച്ചയായാണ് സെയ്‌ത്യാസെനും ക്ളബിനോട് വിട പറയുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
