തിരുവനന്തപുരം: ബിജെപി സെക്രട്ടേറിയേറ്റിലേക്ക് നടത്തിയ മാര്ച്ചിന് നേരെ പൊലീസ് ലാത്തി വീശിയതില് പ്രതിഷേധിച്ച് ബിജെപി ഇന്ന് സംസ്ഥാനത്ത് കരിദിനം ആചരിക്കും. മന്ത്രി കെ.ടി. ജലീലിന്റെ രാജി ആവശ്യപ്പെട്ടാണ് ഇന്നലെ രാത്രി ബിജെപി സെക്രട്ടേറിയേറ്റിലേക്ക് മാര്ച്ച് നടത്തിയത്. എല്ലാ ജില്ലാ നിയോജക മണ്ഡലം കേന്ദ്രങ്ങളിലും ജലീലിന്റെ രാജി ആവശ്യപ്പെട്ട് പ്രതിഷേധം സംഘടിപ്പിക്കുമെന്ന് സംസ്ഥാന അധ്യക്ഷന് കെ. സുരേന്ദ്രന് പറഞ്ഞു. ജലീല് മന്ത്രി സ്ഥാനം രാജിവെക്കും വരെ പ്രതിഷേധം ശക്തമാക്കുമെന്ന് സുരേന്ദ്രന് അറിയിച്ചു.
മന്ത്രി കെ.ടി. ജലീലിന്റെ രാജി ആവശ്യപ്പെട്ട് യൂത്ത് കോണ്ഗ്രസും ബിജെപിയും സെക്രട്ടേറിയറ്റിലേക്ക് നടത്തിയ മാര്ച്ചിലാണ് സംഘര്ഷമുണ്ടായത്. പ്രവര്ത്തകര്ക്ക് നേരെ പൊലീസ് ജലപീരങ്കി പ്രയോഗിച്ചു. പൊലീസ് ബാരിക്കേഡുകള്ക്കു മുകളില് കയറിയ പ്രവര്ത്തകരെ പിരിച്ചുവിടാന് പൊലീസ് ലാത്തി വീശുകയായിരുന്നു. പരുക്കേറ്റ പ്രവര്ത്തകരെ ആശുപത്രിയില് പ്രവേശിപ്പിച്ചു.
