തിരുവനന്തപുരം: നിയമസഭാ തിരഞ്ഞെടുപ്പിൽ ഇടതുമുന്നണിയിൽ 15 സീറ്റുകൾ ആവശ്യപ്പെട്ട് കേരള കോൺഗ്രസ് (എം). തിരുവനന്തപുരത്ത് സിപിഎമ്മുമായി നടത്തിയ ഉഭയകക്ഷി ചർച്ചയിലാണ് ആവശ്യം ഉന്നയിച്ചത്. അതേസമയം, പരമ്പരാഗത കേന്ദ്രങ്ങളിൽ മൽസരിക്കണമെന്ന് കേരള കോൺഗ്രസ് അറിയിച്ചു.
പാർട്ടിയുടെ ജനപിന്തുണയും ശക്തിയും അനുസരിച്ചുള്ള പരിഗണന ആവശ്യപ്പെട്ടെന്ന് ജോസ് കെ മാണി അറിയിച്ചു. മുന്നണിയിൽ നിന്ന് അനുകൂല പ്രതികരണമാണ് ലഭിക്കുന്നതെന്നും തുടർചർച്ചകൾ വരുംദിവസങ്ങളിൽ ഉണ്ടാകുമെന്നും ജോസ് കെ മാണി പറഞ്ഞു. കാഞ്ഞിരപ്പള്ളിയും ആലത്തൂരും കേരള കോൺഗ്രസ് എമ്മിന് വിട്ടുനൽകാമെന്നും സിപിഎം അറിയിച്ചിട്ടുണ്ട്.
Also Read: ഇന്ധനനികുതി സംസ്ഥാന സർക്കാർ കുറക്കില്ല; തോമസ് ഐസക്