കാണ്പൂര്: ഉത്തര്പ്രദേശില് മാദ്ധ്യമപ്രവര്ത്തകനെ വെടിവെച്ച് കൊന്നു. വാരാണസിക്ക് സമീപം ബല്ലിയ ജില്ലയില് സഹാറാ സമയ് ചാനലിലെ മാദ്ധ്യമപ്രവര്ത്തകനായ രത്തന്സിങിനെയാണ് അക്രമിസംഘം കൊലപ്പെടുത്തിയത്.
രാത്രി 9.45-നു വീടിനു മുന്നില് നില്ക്കുമ്പോളാണ് ആക്രമികള് വെടിവച്ചത്. വെടിയേറ്റ രത്തന് സിങ്ങ് തല്ക്ഷണം മരിച്ചു. ആക്രമണത്തിന് ശേഷം പ്രതികള് രക്ഷപ്പെട്ടെന്നാണ് പൊലീസ് പറയുന്നത്. ഉന്നത പൊലീസ് ഉദ്യോഗസ്ഥര് അടക്കം സ്ഥലത്തെത്തി കുടുംബാംഗങ്ങളുടെ മൊഴി എടുത്തു.
രത്തന് സിങ്ങിന്റെ മൃതദേഹം ആശുപത്രിയിലേക്ക് മാറ്റി. . ഭൂമാഫിയയാണ് കൊലയ്ക്ക് പിന്നിലെന്നാണ് പൊലീസ് സംശയിക്കുന്നത്. കഴിഞ്ഞ മാസം ഗാസിയാബാദില് മാദ്ധ്യമ പ്രവര്ത്തകനെ ഗുണ്ടകള് വെടിവച്ചു കൊന്നിരുന്നു.