ഡെല്ഹി: മാദ്ധ്യമ പ്രവര്ത്തകനും ആള്ട്ട് ന്യൂസിന്റെ സഹസ്ഥാപകനുമായ മുഹമ്മദ് സുബൈറിന് ജാമ്യം അനുവദിച്ച് ഡെല്ഹി കോടതി. മതവികാരം വ്രണപ്പെടുത്തിയതിന്റെ പേരിൽ ആയിരുന്നു ഇദ്ദേഹത്തെ ഡെല്ഹി പോലീസ് അറസ്റ്റ് ചെയ്തത്.
പാട്യാല ഹൗസ് കോടതിയാണ് സുബൈറിന് ഇപ്പോൾ ജാമ്യം അനുവദിച്ചത്. 50000 രൂപയുടെ ഒരാള് ജാമ്യത്തിലും കോടതിയുടെ അനുമതിയില്ലാതെ രാജ്യം വിടരുതെന്ന ഉപാധിയോടെയുമാണ് അഡീഷണല് സെഷന്സ് കോടതി ജഡ്ജി ജാമ്യം നല്കിയത്.
കേസിൽ ജൂലായ് രണ്ടിന് മെട്രോപൊളിറ്റന് മജിസ്ട്രേറ്റ് ജാമ്യം നിഷേധിച്ചതിനെ തുടര്ന്നാണ് സെഷന്സ് കോടതിയെ സമീപിച്ചത്. ഉത്തര്പ്രദേശ് പോലീസ് രജിസ്റ്റര് ചെയ്ത കേസില് നേരത്തെ സുപ്രീം കോടതി സുബൈറിന് ജാമ്യം അനുവദിച്ചിരുന്നെങ്കിലും ഡെല്ഹി പോലീസ് എടുത്ത കേസില് കസ്റ്റഡിയില് തുടരുന്നതിനാല് അദ്ദേഹത്തിന് ജയിലിന് പുറത്തിറങ്ങാന് സാധിച്ചിരുന്നില്ല.
യുപിയില് സുബൈറിന്റെ പേരില് ആറ് കേസെടുകളാണ് രജിസ്റ്റർ ചെയ്തത്. ഇത് റദ്ദാക്കണമെന്നാവശ്യപ്പെട്ട് കഴിഞ്ഞ ദിവസം സുബൈര് സുപ്രീം കോടതിയില് ഹര്ജി നല്കുകയും ചെയ്തിരുന്നു, ഈ കേസുകള് നിലനില്ക്കുന്നതിനാല് സുബൈര് ജയിലില് തന്നെ തുടരുമെന്നാണ് സൂചന.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
