പ്രണവ് മോഹൻലാലിനെ നായകനാക്കി അൻവർ റഷീദ് സംവിധാനം ചെയ്യുന്ന പുതിയ ചിത്രത്തിൽ കാളിദാസ് ജയറാമും എത്തുന്നു. ഇതാദ്യമായാണ് പ്രണവും കാളിദാസും ഒന്നിച്ച് അഭിനയിക്കാൻ ഒരുങ്ങുന്നത്. സിനിമയ്ക്ക് ഇതുവരെ പേര് നിശ്ചയിച്ചിട്ടില്ല.
അഞ്ജലി മേനോനാണ് ചിത്രത്തിന് തിരക്കഥ രചിക്കുന്നത്. ‘ഉസ്താദ് ഹോട്ടൽ’ എന്ന സിനിമയ്ക്ക് ശേഷം അഞ്ജലി മേനോന്റെ തിരക്കഥയിൽ അൻവർ റഷീദ് സംവിധാനം ചെയ്യുന്ന സിനിമ കൂടിയാണ് ഇത്. സിനിമയുടെ ചിത്രീകരണം ഉടൻ തന്നെ തുടങ്ങുമെന്നാണ് വിവരം.
ചിത്രത്തിൽ നസ്രിയ നസീം നായികയായി എത്തുമെന്നും റിപ്പോർട്ടുകളുണ്ട്. സിനിമയെ കുറിച്ചുള്ള കൂടുതൽ വിവരങ്ങൾ അണിയറപ്രവർത്തകർ വൈകാതെ പുറത്തു വിടുമെന്നാണ് വിവരം.
Most Read: ഐപിഎൽ; ചെന്നൈ ഇന്ന് ആർസിബിക്കെതിരെ