മഞ്ജു വാര്യരെ നായികയാക്കി സനൽ കുമാർ ശശിധരൻ സംവിധാനം ചെയ്യുന്ന ചിത്രമായ കയറ്റത്തിന്റെ ട്രെയിലർ എആർ റഹ്മാൻ പുറത്തുവിട്ടു. തന്റെ ഫേസ്ബുക് പേജിലൂടെയാണ് അദ്ദേഹം ട്രെയിലർ റിലീസ് ചെയ്തത്. ഈ മാസം 21-ന് ആരംഭിക്കുന്ന ബുസാൻ ഫിലിം ഫെസ്റ്റിവലിൽ ചിത്രം പ്രദർശിപ്പിക്കും.
എസ്. ദുർഗക്കും, ചോലക്കും ശേഷം സനൽ കുമാർ ശശിധരൻ സംവിധാനം ചെയ്യുന്ന ചിത്രമാണ് അഹർ അഥവാ കയറ്റം. ഹിമാലയത്തിലേക്ക് യാത്ര നടത്തുന്ന ഒരു കൂട്ടം സഹസികരുടെ കഥയാണ് ചിത്രം പറയുന്നത്.
മലയാളത്തിനു പുറമേ, സിനിമക്ക് വേണ്ടി രൂപപ്പെടുത്തിയ ‘അഹര് സംസ’ എന്ന ഭാഷയും ചിത്രത്തിൽ ഉപയോഗിച്ചിരിക്കുന്നു. വേദ് വൈബ്സ്, ഗൗരവ് രവീന്ദ്രൻ എന്നിവരും ചിത്രത്തിൽ പ്രധാന വേഷത്തിൽ എത്തുന്നു. കഥ, തിരക്കഥ, എഡിറ്റിംഗ്, സൗണ്ട് ഡിസൈൻ എന്നിവയും സംവിധായകൻ സനൽ കുമാർ ശശിധരൻ തന്നെയാണ് നിർവഹിച്ചിരിക്കുന്നത്.
നിവ് ആര്ട്ട് മൂവീസ്, മഞ്ജു വാര്യര് പ്രൊഡക്ഷന്സ്, പാരറ്റ്മൗണ്ട് പിക്ചേഴ്സ് എന്നീ ബാനറുകളില് ഷാജി മാത്യു, അരുണ മാത്യു, മഞ്ജു വാര്യര്, സനല് കുമാര് ശശിധരന് എന്നിവര് ചേര്ന്നാണ് ചിത്രം നിര്മ്മിക്കുന്നത്.