കാരപ്പുറം: കേരള മുസ്‌ലിം ജമാഅത്ത് കാരപ്പുറം യൂണിറ്റ് പ്രവർത്തകൻ അലവി ചൂടി ഇന്ന് കാലത്ത് നിര്യാതനായി. 73 വയസായിരുന്നു. അസുഖങ്ങൾ കാരണം ദീർഘ നാളായി കോഴിക്കോട് മെഡിക്കൽ കോളേജിലും നിലമ്പൂർ ജില്ലാ ആശുപത്രിയിലുമായി ചികിൽസയിലായിരുന്നു.
എസ്‌വൈഎസ്‌ കാരപ്പുറം യൂണിറ്റിലെ സജീവ പ്രവർത്തകനായ ജുനൈദ് മകനാണ്. സുനിത, റംസിയ എന്നിവരും മുൻപ് മരണമടഞ്ഞ അസ്‌മാബിയും മക്കളാണ്. ഭാര്യ നഫീസ. മുജീബ്, മുഹമ്മദ്‌, ശഹ്‌ല, മജീദ് എന്നിവരാണ് മരുമക്കൾ.
ജനാസ നമസ്‌കാരം കാരപ്പുറം സുന്നി ജുമാ മസ്‌ജിദിൽ കാലത്ത് 11മണിക്ക് നടന്നു. സംസ്‌കാര ചടങ്ങുകൾക്ക് കാരപ്പുറം ജുമാമസ്‌ജിദ്‌ ഖത്തീബ് ഉസ്‌മാൻ ബാഖവി നേതൃത്വം നൽകി. പരേതന്റെ പരലോക മോക്ഷത്തിന് വേണ്ടി പ്രാർഥിക്കണമെന്നും കഴിയുന്നവർ ഇദ്ദേഹത്തിന് വേണ്ടി മയ്യിത്ത് നമസ്‌കരിക്കണമെന്നും കുടുംബാംഗങ്ങൾ അഭ്യർഥിച്ചു.
