തിരുവല്ല: ചങ്ങനാശേരിയില് നിന്ന് തിരുവല്ല ഭാഗത്തേക്ക് വരുകയായിരുന്ന കെഎസ്ആര്ടിസി ബസ് പെരുന്തുരുത്തിയില് വെച്ച് കടയിലേക്ക് ഇടിച്ചു കയറി രണ്ട് പേര് മരിച്ചു. 18 പേര്ക്ക് പരുക്കേറ്റു. വൈകിട്ട് 4.15ഓടെയായിരുന്നു അപകടം.
ബൈക്ക് യാത്രികരായിരുന്ന ചെങ്ങന്നൂര് സ്വദേശിയും ഇദേഹത്തിനൊപ്പം സ്കൂട്ടറില് സഞ്ചരിച്ചിരുന്ന സ്ത്രീയുമാണ് അപകടത്തില് മരിച്ചത്. നിയന്ത്രണം വിട്ട ബസ് തൊട്ടുമുന്നില് സഞ്ചരിച്ചിരുന്ന ഇരുചക്ര വാഹനത്തെ ഇടിച്ച ശേഷം നിര്ത്തിയിട്ടിരുന്ന മൂന്ന് ഇരു ചക്ര വാഹനങ്ങളും കാറും ഇടിച്ചു തെറിപ്പിച്ചാണ് കടയിലേക്ക് ഇടിച്ചു കയറിയത്.
പരുക്കേറ്റ 14 പേരെ തിരുവല്ലയിലെ സ്വകാര്യ ആശുപത്രിയിലും നാല് പേരെ താലൂക്ക് ആശുപത്രിയിലും പ്രവേശിപ്പിച്ചു. നാട്ടുകാരും അഗ്നിരക്ഷാ സേനയും ചേര്ന്നാണ് ഇവരെ ആശുപത്രിയിലെത്തിച്ചത്. അപകടത്തെ തുടര്ന്ന് കോട്ടയം- തിരുവല്ല പാതയില് അര മണിക്കൂറോളം ഗതാഗതം തടസപ്പെട്ടു.
National News: സെറം ഇൻസ്റ്റിറ്റ്യൂട്ടിലെ അഗ്നിബാധ; നഷ്ടം 1000 കോടിയിലേറെ രൂപ