മലയാളത്തിന്റെ പ്രിയ താരങ്ങളായ കുഞ്ചാക്കോ ബോബനും ജയസൂര്യയും വീണ്ടും ഒന്നിക്കുന്നു. ഇരുവരും ഒന്നിച്ച് നിരവധി സിനിമകളിൽ അഭിനയിച്ചിട്ടുണ്ടെങ്കിലും വർഷങ്ങൾക്ക് ശേഷമാണ് വീണ്ടും ഒന്നിക്കുന്നത്. കുഞ്ചാക്കോ ബോബനാണ് സമൂഹ മാദ്ധ്യമങ്ങളിലൂടെ പുതിയ സിനിമയുടെ വിശേഷം പ്രേക്ഷകരുമായി പങ്കുവെച്ചത്.
ജയസൂര്യക്കും നിർമാതാവ് ലിസ്റ്റിൻ സ്റ്റീഫനും ഒപ്പമുള്ള ചിത്രം പങ്കുവെച്ചായിരുന്നു ചാക്കോച്ചൻ പുതിയ സിനിമയുടെ വരവറിയിച്ചത്. അണിയറയിൽ തമാശയുടെ മാന്ത്രികജാലം ഒരുങ്ങുകയാണെന്നും കൂടുതൽ വിവരങ്ങൾ ഉടൻ അറിയിക്കുന്നതാണെന്നും ചാക്കോച്ചൻ വ്യക്തമാക്കി.
View this post on Instagram
നിരവധി ഹിറ്റുകൾ പിറന്ന ഈ ചിരി കൂട്ടുകെട്ടിൽ നിന്നും മറ്റൊരു തകർപ്പൻ ഹിറ്റുകൂടി ലഭിക്കുമെന്ന പ്രതീക്ഷയിലാണ് ആരാധകർ. മാജിക്ക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനാണ് ഈ പുതിയ ചിത്രം നിർമിക്കുന്നത്.
‘സ്വപ്നക്കൂടാ’ണ് ഇരുവരും ആദ്യമായി ഒന്നിച്ച ചിത്രം. പിന്നീട് ’ഗുലുമാൽ’, ‘101 വെഡിങ്’, ‘കിലുക്കം കിലുകിലുക്കം’, ‘ലോലിപോപ്’, ‘ഷാജഹാനും പരീക്കുട്ടിയും’ തുടങ്ങിയ ചിത്രങ്ങളിലും ഇരുവരും ഒന്നിച്ച് അഭിനയിച്ചു.
Most Read: ‘സ്ഥിതി ഗുരുതരമാക്കിയാൽ പ്രത്യാഘാതം നേരിടേണ്ടിവരും’; ബക്രീദ് ഇളവിൽ സുപ്രീം കോടതി