തൃശൂര്‍: കുട്ടനെല്ലൂരില്‍ വനിതാ ഡോക്‌ടർ കുത്തേറ്റു മരിച്ചു. സുഹൃത്തിന്റെ കുത്തേറ്റ് ചികിത്സയിലായിരുന്ന ദന്തഡോക്‌ടർ മൂവാറ്റുപുഴ സ്വദേശി വലിയകുളങ്ങര വീട്ടില്‍ ഡോ. സോനയാണ് ഇന്ന് മരിച്ചത്.
കഴിഞ്ഞ ചൊവ്വാഴ്‌ചയാണ് ഡോക്‌ടർക്ക് കുത്തേറ്റത്. സംഭവത്തില്‍ സുഹൃത്തും ബിസിനസ് പങ്കാളിയുമായ പാവറട്ടി സ്വദേശി മഹേഷ് ഒളിവിലാണ്. കുട്ടനെല്ലൂരില്‍ ഡെന്റല്‍ ക്ലിനിക് നടത്തുകയായിരുന്നു ഇവര്‍. മഹേഷുമായുള്ള സാമ്പത്തിക ഇടപാടുകളെ തുടര്‍ന്ന് ഡോക്‌ടർ പോലീസില്‍ പരാതി നല്‍കിയിരുന്നു. ദന്താശുപത്രിയില്‍ വെച്ചാണ് ഡോക്‌ടർക്ക് കുത്തേറ്റത്. സംഭവത്തിനുശേഷം ഒളിവില്‍ പോയ മഹേഷിനെ ഇതുവരെ കസ്റ്റഡിയില്‍ എടുത്തിട്ടില്ല. ഡോക്‌ടറുടെ മരണത്തില്‍ അന്വേഷണം തുടരുകയാണെന്ന് പൊലീസ് വ്യക്തമാക്കി.
Read also: പോപ്പുലര്‍ ഫിനാന്‍സ് ഉടമകളുടെ സ്വത്ത് വകകള്‍ മരവിപ്പിച്ചു
